Vysokuju ŭzajemnuju zacikaŭlenaść u dalejšym raźvićci partniorskaha supracoŭnictva paćvierdzili na sustrečy ŭ Minsku 18 krasavika kiraŭnik Administracyi Prezidenta Biełarusi Uładzimir Makiej i pradstaŭniki zamiežnych humanitarnych niaŭradavych arhanizacyj, jakija znachodziacca ŭ Biełarusi ŭ ramkach udziełu ŭ partniorskaj kanfierencyi «25 hadoŭ paśla Čarnobyla».
Uładzimir Makiej vykazaŭ ščyruju ŭdziačnaść pradstaŭnikam humanitarnaha ruchu za tuju padtrymku, jakuju jany akazvajuć Biełarusi pa pieraadoleńniu nastupstvaŭ avaryi na Čarnobylskaj AES. Niahledziačy na toje, što heta dapamoha niaznačnaja ŭ paraŭnańni sa srodkami, što vydzialajucca na hetyja mety dziaržavaj, jana zapatrabavana ŭ Biełarusi i maje svaich kankretnych adrasataŭ.
Baki vykazali vysokuju ŭzajemnuju zacikaŭlenaść u dalejšym raźvićci partniorskaha supracoŭnictva, jakoje pavinna budavacca na pryncypach transparentnaści, raŭnapraŭja i ŭzajemapavahi.
U suviazi z hetym kiraŭnik Administracyi prezidenta Biełarusi padkreśliŭ niedapuščalnaść sprob palityčnych śpiekulacyj na trahičnych čarnobylskich padziejach. «Dla nas nieprymalny padychod, kali «humanitarnaja» dapamoha abstaŭlajecca palityčnymi ŭmovami abo supravadžajecca roznymi palitykanskimi zajavami», — adznačyŭ Uładzimir Makiej.
Pavodle jaho słoŭ, asnoŭnyja namahańni nieabchodna zasiarodzić ciapier na aktualizacyi i dalejšaj realizacyi kankretnych humanitarnych prajektaŭ na terytoryi Biełarusi, u pieršuju čarhu na zabrudžanych ziemlach. U suviazi z hetym dasiahnuta damoŭlenaść ab vyznačeńni ŭ ciesnym supracoŭnictvie pryjarytetnych inicyjatyŭ, jakim, u tym liku, budzie akazvacca i ŭsialakaje sadziejničańnie z boku dziaržavy.
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj1
Kamientary