U Rasii cenzuru ŭviali i na Ren-TV

U aŭtorak, 3 traŭnia, kalektyŭ infarmacyjnaj słužby Ren-TV razasłaŭ zajavu «Na Ren-TV bolš niama navinaŭ», u jakoj apisvajucca źmieny infarmacyjnaj palityki kanała, uviadzieńnie cenzury i čornych śpisaŭ niepažadanych pierson dla efiraŭ. Prapanujem vašaj uvazie tekst zajavy:

«Darahija telehledačy i pavažanyja kalehi!

My, supracoŭniki infarmacyjnaj słužby telekampanii Ren-TV, paviedamlajem vam ab spynieńni vychadu navin na našym kanale, uviadzieńni cenzury na Ren-TV i zvalnieńniach niezaležnych žurnalistaŭ.

Tak, u efir Ren-TVpa-raniejšamu vychodzić prahrama z nazvaj „Naviny-24“, ale nijakaha dačynieńnia da tych navinaŭ, jakija vychodzili na Ren-TV na praciahu mnohich hadoŭ hetyja tak zvanyja „infarmacyjnyja vypuski“ nie majuć.

15 krasavika byŭ źniaty z pasady hałoŭny redaktar Ren-TV, dyrektar infarmacyjnaj słužby Alaksiej Abakumaŭ. Zamiest jaho kiravać navinami pastaŭleny Uładzimir Ciulin. Pieršyja ž dziejańni novaha menedžmentu pakazali, što jaho hałoŭnaja meta — spynieńnie vytvorčaści navin na Ren-TV.

Užo składzienyja „čornyja“ śpisy palitykaŭ, jakich zabaroniena pakazvać.

Zamiest repartažaŭ ab sacyjalnych prablemach, baraćbie pravaabaroncaŭ i samavolstvie čynoŭnikaŭ efir zaniaty kryminalnymi navinami, paviedamleńniami ab pośpiechach „siłavikoŭ“ i „zakaznymi“ siužetami, što ŭschvalajuć hubiernataraŭ i deputataŭ.

Pačalisia zvalnieńni niezaležnych žurnalistaŭ. Jany pravodziacca asablivym jezuickim sposabam.

Novyja kiraŭniki padraździaleńniaŭ dajuć supracoŭnikam adhuły, a paralelna składajuć akty „ab niavychadzie na pracu“ i pahražajuć zvolnić „pa artykule“, takim čynam zmušajučy napisać zajavu „pa ŭłasnym žadańni“.

Na Ren-TV užo vysadziŭsia desant štrejkbrechieraŭ ź Pieciarburha, jakija za nievialikija hrošy hatovyja vykanać luby zahad i „mačyć“ u efiry ŭ pieradvybarčy hod luboha, na kaho pakažuć.

Usie viadučyja žurnalisty kanała šukajuć pracu. Tyja, kaho nie zvolniać, hatovyja najbližejšym časam sami napisać zajavu ab sychodzie. Adpracoŭvaje apošnija tydni i sychodzić ź infarmacyjnaj słužby viadoŭca Michaił Asokin. Vidać, źličanyja dni i prahramy „Tydzień z Maryjanaj Maksimoŭskaj“. Niadaŭna žurnalistku źniavažyli. Na mašynu Maksimoŭskaj, jakaja znachodziłasia na ŭnutranym dvary telekampanii, nieviadomyja vykinuli ŭnitaz ź fiekalijami. Charakterna, što niahledziačy na toje, što dvor telekampanii našpihavany telekamierami, i trapić tudy možna tolki prajšoŭšy achovu i milicejski post, znajści złamyśnikaŭ nie atrymałasia.

Adkaz telehledačoŭ na toje, što adbyvajecca na kanale, nie prymusiŭ čakać. Za apošnija tydni rejtynh infarmacyjnych prahram upaŭ u dva razy. Davier hledača, jaki kanał zarablaŭ mnohija hady, stračany.

U pačatku 1990-ch hadoŭ Ren-TV staŭ pieršym rasijskim pryvatnym televytvorcam. Ren-TV zarabiŭ reputacyju kanała, čyje prahramy vyłučajucca abjektyŭnaściu, raznastajnaściu mierkavańniaŭ i niepieraduziatym padychodam. Lidarstva kanała pryznanaje prafiesijnaj supolnaściu prysudžeńniem premii „Tefi“ va ŭsich infarmacyjnych naminacyjach za apošnija try hady. Ciapier heta ŭsio ŭ minułym».

Słovami padziaki kalektyŭ infarmacyjnaj słužby Ren-TV zakančvaje svaju zajavu: «Darahija telehledačy i pavažanyja kalehi! Dziakuj vam za toje, što vy ŭsie hetyja hady byli z nami! Da sustrečy ŭ efiry inšych kanałaŭ i radyjostancyj, na staronkach haziet i ŭ internecie!»

• 0
• 0
• 0
• 0
• 0
• 0