AAN uklučyła svabodny dostup u internet u śpis bazavych pravoŭ čałavieka,paviedamlaje The Atlantic.
Jak padkreślivajecca ŭ dakładzie, pradstaŭlenym u minułuju piatnicu na pasiedžańni arhanizacyi, internet — heta «niezamienny instrumient realizacyi šerahu pravoŭ čałavieka, baraćby ź niaroŭnaściu i raźvićcia prahresu».
Dakład AAN, jaki vystupaje ŭ padtrymku volnaha vykarystańnia internetu ŭ jakaści nieadjemnaj kamunikacyjnaj płatformy dla ŭsich demakratyčnych tavarystvaŭ, taksama raskazvaje, jakim voraham jon paŭstaje ŭ vačach čynoŭnikaŭ.
«Vielizarny patencyjał i pieravahi internetu zaklučajucca ŭ chutkaści pieradačy infarmacyi, ahulnadastupnaści i ananimnaści. U toj ža čas, hetyja ŭłaścivaści, što dazvalajuć čałavieku raspaŭsiudžvać infarmacyju ŭ realnym časie, siejuć strach siarod uradaŭ. Heta viadzie da rostu abmiežavańniaŭ na internet za košt vykarystańnia bolš sučasnych technałohij, jakija dazvalajuć błakavać utrymańnie infarmacyi, vyjaŭlać aktyvistaŭ, karać ich i prymać zakony, jakija dazvalajuć rabić heta», — havorycca ŭ dakładzie.
U paćvierdžańnie hetaj dumki aŭtary nahadvajuć pra abmiežavańnie dostupu da Twitter i Facebook u arabskich krainach, achoplenych masavymi antyŭradavymi chvalavańniami, i kryminalny pieraśled zasnavalnika Wikileaks Džulijana Asanža.
U dakładzie padkreślivajecca, što «zabiaśpiečańnie dostupu da internetu dla ŭsich musić być adnym z pryjarytetnych napramkaŭ dziejnaści luboj dziaržavy».
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary