Stvaralniki Patriot bajacca, što Kijeŭ moža ŭdaskanalić ich rakiety
Amierykanskija vytvorcy sistemy supraćpavietranaj abarony Patriot — Raytheon i Lockheed Martin — aścierahajucca pieradavać Ukrainie licenzii na vytvorčaść rakiet-pierachopnikaŭ. Pra heta piša vydańnie The Atlantic sa spasyłkaj na adnaho z respublikancaŭ u Kanhresie ZŠA, jaki sam padtrymlivaje vydaču takoj licenzii Kijevu.
Pa słovach krynicy vydańnia, amierykanskija kampanii bajacca, što Ukraina nie tolki naładzić vypusk rakiet Patriot, ale i zmoža ŭdaskanalić ich kanstrukcyju. Paśla hetaha ŭkrainskija pradpryjemstvy patencyjna mahli b vypuskać rakiety bolšymi abjomami, chutčej i tańniej, čym heta ciapier robicca na amierykanskich vytvorčych linijach.
Aficyjna svaju pazicyju abaronnyja kampanii, jak čakajecca, buduć tłumačyć nieabchodnaściu abarony intelektualnaj ułasnaści i niedapuščeńnia pieradačy adčuvalnych technałohij.
Ukraina ŭžo niekalki hadoŭ sprabuje atrymać prava samastojna vyrablać rakiety dla Patriot. Pavodle infarmacyi The Atlantic, jašče ŭ apošnija miesiacy administracyi Džo Bajdena ŭkrainskija čynoŭniki prasili dać im adpaviednyja licenzii. Adnak pradstaŭniki ZŠA, u tym liku tahačasny ministr abarony Łojd Ościn i daradca pa nacyjanalnaj biaśpiecy Džejk Salivan, admovilisia ad hetaj prapanovy, nie patłumačyŭšy pryčynu.
8 žniŭnia prezident Ukrainy Uładzimir Zialenski zajaviŭ, što ciapier z administracyjaj Donalda Trampa dasiahnutaja damoŭlenaść ab vydačy licenzij. Adnak praces pakul tarmozicca praź biurakratyčnyja pracedury. Zialenski padkreśliŭ, što pakul baki zajmajucca dakumientami, Ukraina sutykajecca z realnymi rakietnymi ŭdarami.
Pavodle The Atlantic, patencyjna Ukraina mahła b vyrablać rakiety Patriot nie tolki dla ŭłasnych patreb. U pierśpiektyvie jana mahła b vypuskać dadatkovyja partyi dla ZŠA abo inšych sajuźnikaŭ Vašynhtona. Mienavita takaja mahčymaść, jak miarkujecca, taksama moža vyklikać zaniepakojenaść amierykanskaha boku.
Pytańnie stała asabliva aktualnym na fonie deficytu rakiet-pierachopnikaŭ. 6 žniŭnia Donald Tramp, adkazvajučy na pytańnie pra mahčymyja dadatkovyja pastaŭki Ukrainie rakiet dla Patriot, zajaviŭ, što samim ZŠA taksama patrebnyja hetyja bojeprypasy.
Tramp taksama abvinavaciŭ papiaredniuju administracyju Džo Bajdena ŭ značnym skaračeńni amierykanskich zapasaŭ uzbrajeńniaŭ praz vajennuju dapamohu Ukrainie i zajaviŭ, što ciapier ZŠA adnaŭlajuć svaje arsienały.
Zialenski: ZŠA buduć pastaŭlać rakiety-pierachopniki dla Patriot štomiesiac, ale hetaha niedastatkova
Niderłandy nie mohuć pieradać Ukrainie rakiety dla Patriot
Zialenski: Rakiety dla Patriot mohuć nie davać, kab Ukraina była bolš sastuplivaja
Zialenski: Tempy pieradačy Ukrainie rakiet da Patriot sioleta skaracilisia ŭ try razy
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy1
Kamientary
a Subj. - na *inšym*