Biełaruś uvodzić abaviazkovaje afarmleńnie paśviedčańnia na časovy ŭvoz transpartnaha srodku na miažy u adkaz na taki samy krok Rasiei. Na miažy rastuć čerhi.
Biełaruś maje namier uvieści dla rasiejcaŭ, jakija pryjaždžajuć u krainu na asabistych aŭtamabilach, abaviazkovaje afarmleńnie paśviedčańnia na časovy ŭvoz transpartnaha srodku. Pra heta zajaviŭ biełaruskaj dziaržaŭnaj televizii načalnik upraŭleńnia arhanizacyi mytnaha kantrolu Dziaržaŭnaha mytnaha kamitetu Biełarusi Siarhiej Barysiuk. Pavodle jahonych słovaŭ, hety krok — miera ŭ adkaz na analahičnyja dziejańni rasiejskaha boku. Uviadzieńnie Rasiejaj dla biełarusaŭ abaviazkovaha afarmleńnia časovaha ŭvozu aŭtatranspartu stvaryła na miažy miž dźviuma krainami vialikija aŭtamabilnyja čerhi. Aproč taho, hetaja pracedura davoli darahaja: aŭtaamataram davodzicca płacić da 20 tysiač biełaruskich rubloŭ. «Dziaržaŭnym mytnym kamitetam uniesienyja adpaviednyja dakumenty, jakija praduhledžvajuć uviadzieńnie analahičnaha paradku ŭvozu ŭ Biełaruś transpartnych srodkaŭ, zarehistravanych u RF», — raskazaŭ Barysiuk. U Biełarusi taksama adznačajuć, što jašče letaś uletku miž kiraŭnikami uradaŭ dźviuch krainaŭ była dasiahnutaja damoŭlenaść pra admienu dla biełarusaŭ uviedzienaj Rasiejaj pracedury abaviazkovaha afarmleńnia časovaha ŭvozu aŭtatranspartu. Adnak hetaja damoŭlenaść dahetul nie była realizavanaja.
Fota photo.bymedia.net
Ciapier čytajuć
Ceny na paliva pavyšajucca na 4 kapiejki, a praz tydzień jašče na try2
Kamientary