Pratasievič: Situacyja z Bandarenkam niachaj paŭpłyvaje na pašyreńnie sankcyj ES
Zajaviŭ kiraŭnik delehacyi Jeŭraparłamienta pa adnosinach ź Biełaruśsiu Jacak Pratasievič.
Situacyja sa źniavolenym Dźmitryjem Bandarenkam, kaardynataram hramadzianskaj kampanii «Jeŭrapiejskaja Biełaruś», moža paŭpłyvać na rašeńnie Rady ES ab pašyreńni ekanamičnych sankcyj adnosna Biełarusi, zajaviŭ kiraŭnik delehacyi Jeŭraparłamienta pa adnosinach ź Biełaruśsiu Jacak Pratasievič.
«Ja asabista budu razmaŭlać z polskim ministram zamiežnych spraŭ, jaki ažyćciaŭlaje zaraz staršynstva ŭ ES, kab situacyi sa spadarom Bandarenkam była nadadziena asablivaja ŭvaha i kab abychodžańnie z hetym źniavolenym paŭpłyvała na rašeńnie ab tym, ci pašyrać ekanamičnyja sankcyi», — skazaŭ Pratasievič u intervju Polskie Radio 28 lipienia.
Pavodle słoŭ jeŭraparłamientaryja, na padstavie źviestak z dypłamatyčnych krynicaŭ, ministry zamiežnych spraŭ krain ES padrychtavali śpis biełaruskich kampanij, jakija mohuć trapić pad sankcyi.
«Isnuje poŭnaje parazumieńnie, śpis hatovy. Ciapier heta tolki pytańnie palityčnych rašeńniaŭ»,— padkreśliŭ jeŭraparłamientaryj. Pašyreńnie ekanamičnych sankcyj ujaŭlaje dla biełaruskich uładaŭ vialikuju niebiaśpieku, dadaŭ jon.
Pratasievič zajaviŭ, što budzie sprabavać pieraškodzić adpraŭcy praapieryravanaha Bandarenki ŭ kałoniju. Deputat paviedamiŭ, što siamja Bandarenki padała jamu miedycynskuju dakumientacyju ab zachvorvańni Dźmitryja, i jon paprasiŭ ministra achovy zdaroŭja Polščy Evu Kopač znajści śpiecyjalista, zdolnaha acanić stan zdaroŭja źniavolenaha. U vyniku Pratasievič atrymaŭ piśmovaje zaklučeńnie polskaha niejrachirurha Tomaša Trajanoŭskaha, jaki paćvierdziŭ, što chvaroba Bandarenki patrabuje apieratyŭnaha ŭmiašańnia, a taksama vyklučaje fizičnuju pracu da i paśla apieracyi.
«Na padstavie hetaha zaklučeńnia my budziem jašče bolš aktyŭna dabivacca ad biełaruskich uładaŭ admovy ad namieru adpravić spadara Bandarenku ŭ kałoniju abo pracoŭny łahier, pakolki my majem niezaležnaje prafiesijnaje śviedčańnie, što heta sapraŭdy moža pahražać jamu invalidnaściu», — zajaviŭ Pratasievič.
Źmicier Bandarenka, davieranaja asoba kandydata ŭ prezidenty Biełarusi Andreja Sańnikava na vybarach 2010 hoda, asudžany na dva hady pazbaŭleńnia voli ŭ kałonii ahulnaha režymu pa spravie ab masavych biesparadkach 19 śniežnia. 26 lipienia jamu zrabili apieracyju na pazvanočniku ŭ
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada20
Kamientary