U Minsku chočuć uklučyć u žyroŭku apłatu za śviatło ŭ padjezdach

Słova «ekanomija» ŭsio-tki ź vializnaj ciažkaściu ŭvachodzić u naš pobyt. My badziora havorym pra toje, što resursy treba ekanomić, ale kali dachodzić da spravy, rypim zubami. Ci viedajecie vy, što kožny druhi padjezd u stalicy cierpić ad ruk vandałaŭ? I sprava zusim nie ŭ chulihanach. Najnoŭšyja enierhaźbierahalnyja moduli aśviatleńnia, jakija aŭtamatyčna ŭklučajucca i vyklučajucca pry źjaŭleńni čałavieka, paprostu vykručvajuć, zrazajuć abo psujuć. Takim dziŭnym čynam žychary patrabujuć viarnuć u ich damy raniejšaje aśviatleńnie: kab śviatło na leśvicy, u sutareńniach i na haryščy hareła ŭsiu noč. Bieź pierapynkaŭ.

U stalicy 6340 šmatkvaternych žyłych damoŭ, i tolki pałova ź ich abstalavanaja fotarele abo modulami kiravańnia aśviatleńniem.

— Bolšaść žycharoŭ čamuści ličyć, što śviatło ŭ miescach ahulnaha karystańnia (leśvičnyja kletki, sutareńni) apłačvaje ŽES. Ale heta daloka nie tak. Usie hetyja vydatki praparcyjna dzielacca na kolkaść kvadratnych mietraŭ ahulnaj płoščy i štomiesiac uklučajucca ŭ hrafu «Techabsłuhoŭvańnie». Siudy ž, darečy, uvachodziać vydatki na ŭborku prydvaravych terytoryj i miescaŭ ahulnaha karystańnia, techabsłuhoŭvańnie damavych mahistralaŭ, ciepłavuzłoŭ, dachaŭ, a taksama asfaltavańnie dvaroŭ. U vyniku ludzi dumajuć, što za śviatło jany nie płaciać, a značyć, možna žyć pa pryncypie: «Niachaj zaŭsiody budzie sonca!» I hetaja pierakananaść vylivajecca ŭ fienamienalnyja ličby haradskomu biudžetu, bo, jak viadoma, na 70% hetyja vydatki ciapier datuje dziaržava, — kaža Siarhiej Drapiej, načalnik techničnaha adździeła HA «Minskaja haradskaja žyllovaja haspadarka». — 

Štomiesiac na aśviatleńnie miescaŭ ahulnaha karystańnia horad vydatkoŭvaje 7,1 młn kVt/h elektraenierhii. Tolki za minułyja paŭhoda heta vyliłasia ŭ 8,3 młrd rubloŭ niepasrednych vydatkaŭ.

Zacikavić minčan kamunalniki vyrašyli prostym, ale dziejsnym sposabam: u žyroŭku prapanujecca ŭnieści asobnuju hrafu «Apłata aśviatleńnia miescaŭ ahulnaha karystańnia». Varyjantaŭ dva: albo heta budzie adpaviednaja pastanova Savieta Ministraŭ, albo ekśpierymient u ramkach stalicy, jaki zavieršycca pryniaćciem adpaviednaha rašeńnia Minharvykankama. Nieabchodnyja listy ŭžo padrychtavanyja.

—

 Štomiesiačnaja suma apłaty ŭ dziejnych na 1 žniŭnia taryfy na elektraenierhiju składzie 881 rubiel na adnaho pražyvajučaha. Pavodle našych raźlikaŭ, heta daść mahčymaść horadu kožny miesiac ekanomić prykładna 1,4 młrd rubloŭ biudžetnych srodkaŭ, —

siońnia Minsk spažyvaje na 25% vady mienš, čym 3–4 hady tamu.

Jašče adna navina ŭ temu. Na źmienu čysta «psichałahičnaj» ekanomii ŭ 2013 hodzie pryjdzie ekanomija aŭtamatyčnaja. Mienavita da hetaha hoda ŭsie staličnyja šmatpaviarchoŭki płanujecca abstalavać modulami kiravańnia aśviatleńniem. Praces startavaŭ u 2009 hodzie, z momantu vychadu pastanovy Saŭmina № 246. Siońnia, jak užo zhadvałasia, takimi sučasnymi sistemami abstalavanaja amal pałova staličnaha žyłfondu.

Da kanca 2011-ha maje być ustalavana jašče 106 663 takich prybory.

— Taki modul aŭtamatyčna ŭklučaje aśviatleńnie pry źjaŭleńni hukavoha sihnału abo ŭźniknieńni ruchu. Lohkaj pstryčki ci plasku dastatkova, kab śviatło zaharełasia. Praz paŭtary-dźvie chviliny jon hetak ža zahaśnie, ekanomiačy hrošy žycharoŭ, i akupić pry hetym svoj košt usiaho za paŭhoda. Ale čamuści mienavita hety momant bolš za ŭsio ich i razdražniaje. My časta atrymlivajem skarhi na «niepracoŭnaje aśviatleńnie ŭ padjeździe». Padčas pravierki vyśviatlajecca, što ludzi prosta nie zrazumieli pryncyp dziejańnia novaha, tolki što zmantavanaha abstalavańnia, i prosiać adnavić «usio, jak było», albo sami vykručvajuć «razumnyja» datčyki i puskajuć ich u raschod, — narakaje Siarhiej Drapiej. — Usio heta śviedčyć pra čysta saviecki padychod da pytańniaŭ enierhaźbieražeńnia: maŭlaŭ, kali lampačka jość, jana pavinnaja hareć. Dumaju, asobny radok u žyroŭcy stanie mienavita tym napaminam, jaki prymusić žycharoŭ čaściej ciahnucca da padjaznoha vyklučalnika i z razumieńniem stavicca da abstalavańnia, pieravahi jakoha daŭno acaniła ŭsia Jeŭropa.

• 0
• 0
• 0
• 0
• 0
• 0