Čatyry siezony Łukašenki

Pierad tym, jak adpravicca ŭ adpačynak u Sočy, u Katary Alaksandr Łukašenka sa śvitaj spynialisia ŭ fiešenebielnym hateli Four Season. Jak vyhladaje hety sietkavy hatel u horadzie Docha, i dzie kiraŭnik dziaržavy haściavaŭ u svoj papiaredni vizit u AAE — dalej u fotaspravazdačy «Salidarnaści».

Jak viadoma, druhi dzień Łukašenki ŭ Katary byŭ pryśviečany niefarmalnym pieramovaŭ. Jon znoŭ sustreŭsia z kiraŭnikom dziaržavy šejcham Chamadam bien Chalifoj al-Tani, jak piša «SB», ale ŭžo nie ŭ strohich interjerach rabočaj rezidencyi emira, a ŭ fiešenebielnym hateli Four Season, dzie raźmiaściłasia ŭsia biełaruskaja delehacyja.

Hatel «Čatyry siezony», abo jak jaho jašče nazyvajuć — «Pory hoda», maje katehoryju 5 zorak. Jon raźmieščany na nabiarežnaj Korniš, u zachodniaj častcy zatoki Dochi. Ź jaho voknaŭ adkryvajecca cudoŭny vid na vody Aravijskaj Zatoki i prystań dla jachtaŭ.

Z apisańnia hatela. Vytančanaja ŭnutranaja i adkrytaja abiedziennaja terasa — ź dziejučym na praciahu ŭsiaho dnia restarančykam na bierazie, ź livanskaj i francuzskaj kuchniaj. Il Teatro — z vydatnaj italjanskaj kuchniaj. Hryl la basiejna. Library Bar i Cigar Lounge. Arabskaja kaviarnia i čajny bar. Heta raskošny kurort z dvanaccaćciu masažnymi pakojami, z terapijaj dla skury i cieła. Plaž, z poŭnym naboram pasłuh, i prystań ź jachtami dla vodnych vidaŭ sportu.

U 2007-m, u svoj papiaredni vizit u AAE — u Abu-Dabi — Łukašenka sa śvitaj spyniaŭsia ŭ adnym z raskošnych hatelaŭ śvietu — Emirates Palace. Hety kompleks naležyć uradu horada, a kiraŭnictva ažyćciaŭlajecca sietkaj hatelaŭ Kiempinski.

Budynak hatela — kazačnaj pryhažości pałac z tradycyjnaj arabskaj architekturaj. U centry pałacavaha kompleksu ŭzvyšajecca vialiki kupał, vykładzieny kalarovaj mazaikaj, jon akružany kupałami pamienš, usiaho kupałaŭ — 114, i kožny ź ich ŭpryhožany załatym špilem.

U hateli akramia «zvyčajnych» numaroŭ jość 92 numary katehoryi Suite. Tamtejšyja interjery mohuć paspaborničać u raskošy z pakojami karaleŭskich pałacaŭ. Usie numary aformleny ŭ arabskim styli i abstalavany apošnimi techničnymi navinkami.

Niekalki hadoŭ tamu karespandent «Salidarnaści» i jašče niekalki biełaruskich žurnalistaŭ pabyvali na ekskursii ŭ Emirates Palace. Menedžar hatela pravioŭ hrupu na šosty pavierch — u sjut, dzie spyniaŭsia były premjer-ministr Brytanii Toni Błer. Sutki pražyvańnia ŭ takim numary na toj momant kaštavali bolš za 10 tysiač dalaraŭ. U susiednim sjucie, adznačyŭ «hid», raniej spyniaŭsia Uładzimir Pucin.

Uspomniŭ mieniedžer i pra Alaksandra Łukašenku. Pavodle jaho słoŭ, jon spyniaŭsia na pavierch vyšej. Heta značyć na samym vierchnim uzroŭni, dzie apartamientami vałodajuć vyklučna šejchi.

Pavodle apošnich paviedamleńniaŭ pres-słužby Łukašenki, napiaredadni ŭ jaho adbyłasia telefonnaja razmova z prezidentam Vieniesueły Uha Čaviesam. U chodzie hutarki jany damovilisia ab chutkim dziełavym vizicie biełaruskaj delehacyi ŭ Vieniesuełu. Taksama jany vyznačacca z terminami vizitu Łukašenki ŭ Vieniesuełu.

Nahadajem, tydniem raniej u internet-ŚMI prajšła infarmacyja, što kiraŭnik Biełarusi płanuje adpačynak u Sočy. I choć u sanatoryi «Biełaja Ruś» nam skazali, što «kali b da nas jechaŭ Łukašenka, my b užo padskokvali», pa źviestkach AFN, adpuskniki ŭsio-tki ŭžo tam.

Jak paviedamlajecca na sajcie, skončyŭšy ŭ aŭtorak vizit u Katar, Łukašenka adpraviŭsia, jak i płanavałasia, na adpačynak kala Sočy. Jaho prypynak tam praciahniecca nie bolš za tydzień. U nastupnuju sieradu, 24 žniŭnia, jamu daviadziecca viarnucca ŭ Minsk, kab padrychtavacca da ŭdziełu ŭ pašyranym pasiadžeńni praŭleńnia Nacbanka RB, abciažaranaha spravazdačaj ŭrada pa vynikach raboty ekanomiki krainy ŭ 1-m paŭhodździ. Toj samaj narady, ad jakoj čakajuć niejkich kardynalnych rašeńniaŭ pa valutnym rynku Biełarusi ...

U čaćvier ranicaj pres-słužba Łukašenki paćvierdziła: jon u Sočy, «dzie na praciahu bližejšych niekalkich dzion budzie znachodzicca na adpačynku», paviedamlaje BiełTA.

• 0
• 0
• 0
• 0
• 0
• 0
• 0
• 0