Paŭstałyja z popiełu

U niadzielu viečaram na haradskim stadyjonie ŭ Barysavie prajšło biełaruskaje El Kłasika — «BATE» — «Dynama» Minsk — 2:2.

Poźni pačatak hulni (20:30) harantavaŭ poŭny stadyjon, dyj barysaŭskija zaŭziatary mahli paraŭnać hety matč ź bitvaj pry Mančestary, što adbyłasia hadzinaj raniej na Ołd Trafard. Choć jakaja tam bitva była, formienny razhrom. A voś na Biarezinie — heta była bitva.

Praŭda, pieršy tajm skončyŭsia ź likam 0:0, ale była jasna, što bura pačniecca paśla pieršaha hoła.

Na 49-j chvilinie ŭ svajoj štrafnoj rukoj zhulaŭ Alaksandr Jurevič, sudździa Ščarbakoŭ pryznačyŭ pienalci. Barysaŭčynie kinulisia asprečvać rašeńnie, u tym liku i Alaksandr Hutar, jaki atrymaŭ žoŭtuju kartku. Bruna Furłan biezdakorna prabiŭ (1:1).

Paśla hoła BATE pračnuŭsia i kinuŭsia adyhryvacca.

Na 63-j chvilinie Rudzik mahutnym udaram ź mietraŭ 30 prabiŭ pa varotach. Huščanka miač adbiŭ, na dabivańnie rvanuŭsia Radzivonaŭ i paśpieŭ prašturchnuć miač varoty (1:1),

ale Huščanka pramoj nahoj udaryŭ u nohi forvarda BATE.

Vital skurčyŭsia ad boli. Na pole rvanuŭsia navat hałoŭkam BATE Viktar Hančarenka. Jon prabieh mietraŭ z tryccać, ale byŭ spynieny reziervnym arbitram.

Vital — jaki paśla šmatmiesiačanaha ŭznaŭleńnia viarnuŭsia na pole miesiac tamu (20 lipienia ŭ matčy z «Linfiłdam») — praciahvaŭsia kurčycca ad boli, a ŭ hety čas fanaty «Dynama» zaciahnuli: «Unosi, unosi!».

Radzivonavu akazali dapamohu, ale na pole jon nie viarnuŭsia, kulhajučy pajšoŭ u padtrybunnaje pamiaškańnie. Trybuny vitali jaho stojačy.

Hulnia praciahnułasia. Na 73-j chvilinie «Dynama» vyjšła napierad, znoŭ vyznačyŭsia Furłan. Ale ŭžo praz chvilinu Jahor Filipienka lik zraŭniaŭ. Filipienka, jaki staŭ hierojem matča za 3-je miesca na moładzievym čempijanacie Jeŭropie,

staŭ hierojem i hetaj hulni.

Na 81-j druhuju žoŭtuju kartku ŭ sustrečy atrymaŭ Hutar, što transfarmavałasia ŭ čyrvonuju — vydaleńnie. Pakolki ŭsie zamieny ŭ matčy byli vyčarpanyja, vypuścić zapasnoha Časnoŭskaha nie pradstaŭlałasia mahčymym.

Filipienka ŭpeŭniena apranuŭ majku Hutara. Taksama ŭpeŭniena jon adstajaŭ usie pazastałyja 14 chvilin.

Voś tolki ździekam vyhladała pryznańnie najlepšym hulcom matča z boku «Dynama» Huščanki. Jon staŭ antyhierojem hulni.

Na paślamatčavaj pres-kanfierencyi hałoŭny trenier «Dynama» Siarhiej Aŭčyńnikaŭ paprasiŭ prabačeńnia za foł Huščanki.

«Chaču vybačycca za toje, što my nanieśli traŭmu hulcu BATE. Ja vybačajusia, ale zrabili heta my nie śpiecyjalna. Lik ža, napeŭna, pa hulni».

Hałoŭny trenier BATE Viktar Hančarenka byŭ kateharyčny: «Pahadžusia, što siońnia była vydatnaja hulnia. Vydatnaja aura była i na stadyjonie. Miarkuju, što pa jakaści heta byŭ adzin z najlepšych matčaŭ u siezonie, uklučajučy jeŭrakubkavyja. (…) Ja hanarusia chłopcami. My siońnia paŭstavali ŭ popiełu. „Dynama“ zabivała — my adyhryvalisia.

Ale, na moj pohlad, sudździ praciahvajuć vycirać ad nas nohi.

Žurnalistaŭ chvalavała, što z Radzivonavym?

«Razryŭ kryžapadobny, mienisk, bakavaja źviazka

Paśla hulni zapomnilisia zmročnyja tvary hulcoŭ BATE i piersanału kala kłubnych aŭtobusaŭ. Sapraŭdy, lepš by siońnia BATE prajhraŭ, ale zachavaŭ Radzivonava. Miž inšym, u apošnich troch turach BATE nabraŭ dva punkty.

Astatnija matčy tura: «Minsk» — «Šachcior» — 1:1, «Viciebsk» — «Dynama» Brest — 3:0, «Biełšyna» — «Tarpieda-BiełAZ» — 1:1, «Homiel» — «Naftan» — 1:0, «Nioman» — «Dniapro» — 1:1.

Paśla 23-ch turaŭ: BATE — 49, Šachcior — 40, Homiel — 35, Dynama Minsk — 32, Tarpieda — 31, Naftan — 30, Biełšyna — 27, Viciebsk, Minsk — 26, Nioman — 24, Dynama Brest — 23, Dniapro — 20.

«Homiel» i «Biełšyna» praviali pa 22 hulni.

Matčy 24-ha tura projduć 10–11 vieraśnia. BATE 10 vieraśnia ŭ Salihorsku zhulaje z «Šachcioram», a «Dynama» doma z «Viciebskam».

• 0
• 0
• 0
• 0
• 0
• 0
• 0
• 0