«Pierazahruzka-2»: «Mumij Trol», «Vopli Vidaplasava» dy inšyja zorki zaśpiavali pa-biełarusku
Heta łahičny praciah paśpiachovaha prajektu, raspačataha dva hady tamu.
Kampanija «Budźma biełarusami!» i muzyčny partał «Tuzin Hitoŭ» pradstaŭlajuć prajekt «Budźma! Tuzin. Pierazahruzka-2». Heta lahičny praciah paśpiachovaha prajektu, raspačataha dva hady tamu, jaki sioleta pieraros miežy Biełarusi i staŭ mižnarodnym. Aŭtar idei prajektu, redaktar internet-partału «Tuzin Hitoŭ» Siarhiej Budkin: «Cikava było pabačyć, jak prahučać usim viadomyja pop-, rok-, džaz- hity pa-biełarusku. Prajekt daŭ biełaruskaje žyćcio pieśniam vykanaŭcaŭ z Belhii, Švecyi, Niamieččyny, Narvehii, Rasiei, Ukrainy dy inšych krainaŭ. Biełaruskaja mova zahučała na ceły śviet. I heta lišni dokaz tamu, što jana nikoli nia źniknie»
U «Pierazahruzcy-2» dvanaccać superhitoŭ nabyli novy, niečakany sacyjalny kantekst. Materyjały prajektu raskryjuć tajamnicy taho, chto z muzykaŭ sutykaŭsia z mafijaj pa-biełarusku i ci mahčyma jaje spynić, pieršaje kachańnie kaho z zasłužanych artystaŭ Rasiei adbyłosia ŭ Miensku, i chto ŭpieršyniu za 30 hadoŭ karjery zaśpiavaŭ na biełaruskaj movie.
«Pośpiech pieršaha prajektu „Tuzin. Pierazahruzka“ zaśviedčyŭ, što my zadumali cikavy tvorčy eksperyment. Tamu było vyrašana pajści dalej — za miežy krainy, prapanavaŭšy paŭdzielničać u druhoj častcy suśvietnym zorkam, tak ci inakš źviazanym z našaj krainaj. Cikava było pabačyć, jak prahučać usim viadomyja pop-, rok-, džaz- hity pa-biełarusku. Prajekt daŭ biełaruskaje žyćcio pieśniam vykanaŭcaŭ z Belhii, Švecyi, Niamieččyny, Narvehii, Rasiei, Ukrainy dy inšych krainaŭ. Biełaruskaja mova zahučała na ceły śviet. I heta lišni dokaz tamu, što jana nikoli nia źniknie», — kaža aŭtar idei prajektu, redaktar internet-partału «Tuzin Hitoŭ» Siarhiej Budkin.
Kožny z artystaŭ sam vyznačaŭ, jaki sa svaich hitoŭ vykanaje na biełaruskaj movie.Na nastupnym etapie da prajektu dałučylisia viadučyja biełaruskija pierakładčyki, jakija pieraasensoŭvali tvor na biełaruski ład. Takim čynam, u studyi zorki pracavali ŭžo z novym tekstam. Niekatoryja byli nastolki zadavolenyja vynikam, jak, naprykład, «Mumij Trołl», što nie strymalisia dy vykanali jaho ŭžyvuju.
Kaardynatar kulturnickaj kampanii «Budźma biełarusami!» Alena Makoŭskaja adznačaje: «„Pierazahruzka-2“ — heta svojeasablivaje pryśviačeńnie biełaruskaj movie i kultury ad zorak šoŭ-bizu. Asabliva pryjemna toje, što artysty — udzielniki prajektu — pastavilisia da našaj idei vielmi spryjalna. Pieśni ź pieršaj častki prajektu dahetul u ratacyi na FM-stancyjach i my ŭpeŭnieny — zusim chutka biełaruskich hitoŭ u etery stanie jašče bolš.
Čakajcie piesień, jany lepšy dokaz tamu, što biełaruskaje — značyć modnaje i klasnaje!»
Štodnia z 8 vieraśnia na sajtach «Tuzin Hitoŭ» i «Budźma biełarusami» budzie adbyvacca haračaja premjera ŭdzielnika prajektu «Budźma! Tuzin. Pierazahruzka-2». Razam z tvoram — historyja stvareńnia i kamentary aŭtaraŭ. Muzyki raspaviaduć pra svaje adčuvańni, pra toje, jak im śpiavałasia pa-biełarusku. Pieršym svaju biełaruskuju pieśniu pradstaŭlaje hurt «Vopli Vidoplasova».
Aleh Skrypka anansuje pieśniu "Kraina mroj"
Aryštavany 75‑hadovy Źmicier Sańko — vieteran-vydaviec3
Kamientary