Pačaŭsia hrupavy etap Lihi čempijonaŭ.
Da Lihi čempijonaŭ BATE padyšoŭ z torbaj prablem. Traŭmy atrymali Radzivonaŭ, Jurevič, Paŭłaŭ. U maskoŭskaje «Dynama» pierajšli Ihar Šytaŭ i Pavieł Niachajčyk.
Haściavy matč ź plzienskaj «Viktoryjaj» prachodziŭ u Prazie. Bo ŭ Plzieni niama dobraha stadyjona. Biełarusy na trybunach taksama byli. Časam navat pierakrykvali haspadaroŭ.
U asnoŭnym składzie BATE vyjšaŭ sierb Mateja Kiežman. Praŭda, adznačycca niečym tak i nie ŭdałosia. Tolki hołam z afsajda, a taksama emacyjnymi pavodzinami.
Abiedźvie kamandy spadziavalisia dabicca pieršaj pieramohi ŭ ramkach hrupavoha etapa Lihi čempijonaŭ. Ale nie atrymałasia.
Biełarusy ŭpeŭniena kantralavali centr pola ŭ pieršym tajmie. Čechi ŭsim składam byli na svajoj pałovie pola. Za chvilinu da kanca adbyłasia futbolnaja kłasika, kali barysaŭcy ŭpuścili kontrataku «Viktoryi». Iraček z fłanha prastreliŭ na słavaka Bakaša, jakomu zastavałasia padstavić tolki na nahu.
Hoł BATE naradziŭsia na tym samym fłanzie. Naturalizavany rasiejec Filip Rudzik adpasavaŭ naturalizavanamu brazilcu Renanu Bresanu, i toj nakiravaŭ miač miž noh varatara Čecha. Dvaccać kapiejek.
Heta ŭžo było ŭ druhim tajmie. Tym nie mienš, času dla pieramožnaha hoła chapała. Ciažka skazać, chto byŭ bližejšy da pieramohi. Vidać, ničyja — vynik zakanamierny.
U druhim matčy hrupy «Barsiełona» zhulała ŭničyju z «Miłanam» — 2:2. Ciapier va ŭsich kamand pa adnym punkcie.
Nastupny matč BATE praviadzie doma z «Barsiełonaj» 28 vieraśnia.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary