Salist «Lapisaŭ» pastaviŭ Łukašenku biesprecedentna žorstki dyjahnaz.
Vialikaje videaintervju lidara hrupy «Lapis Trubiackoj»:
U videaintervju paśla kancerta ŭ
Michałok zajaviŭ: «Nijaki jon nie prezident — čałaviek, jaki nienavidzić svoj narod». Hetyja słovy stali niby recham vykazvańniaŭ samoha Łukašenki pra toje, što «apazicyja nienavidzić svoj narod».
Łukašenku Michałok nazvaŭ «miarzotnym dziejačom, jaki davioŭ krainu da kraju». (Zhadajem «kazłoŭ» i «šałudzivych».) «Luby čałaviek kiravaŭ by krainaj lepš za Łukašenku», — upeŭnieny Michałok.
Samaje strašnaje, miarkuje Michałok, što Łukašenka raskałoŭ nacyju i raspalvaje pačućcio varožaści da ŭsich niazhodnych. «Ja chaču, kab maje ŭnuki svabodna chadzili pa rodnym horadzie i havaryli na rodnaj movie, čytali Janku Kupału i Jakuba Kołasa», — kazaŭ Michałok.
«Ja prosty čałaviek, nie palityk, ale ciapier ja viedaju, što treba bicca, u mianie niama inšaha vyjścia, ja adčuvaju radaść žyćcia ad hetaha», — patłumačyŭ svaju pazicyju lidar «Lapisaŭ».
10 vieraśnia hurt «Lapis Trubiackoj» pry poŭnym anšłahu vystupiŭ u picierskim kłubie «Kosmonavt» z prahramaj «Hraj». Na kancert pryjechała šmat biełarusaŭ — ź Biełarusi, dzie hurt znachodzicca ŭ «čornym śpisie», siudy ładzilisia arhanizavanyja vyjezdy.
Na kancercie adbyłasia premjera pieśni na vierš Janki Kupały «Chto ty taki?» Naprykancy Michałok šmat razoŭ vyhuknuŭ «Žyvie Biełaruś!»
-
Marzaluk pra novy histaryčny muziej: Sustrakać naviedvalnikaŭ buduć samyja važnyja ŭ nacyjanalnaj historyi asoby
-
Što čuvać u RTBD paśla čystak repiertuaru i zvalnieńnia najbolš zornych akcioraŭ?
-
Nad Masułam iznoŭ uzvyšajecca źniščany «harbaty» minaret, ź jakoha lidar Isłamskaj dziaržavy abviaščaŭ suśvietny chalifat
Kamientary