Rasieja zarekamendavała siabie nadziejnym pastaŭščykom jašče z časoŭ SSSR, my chacieli b, kab hetyja časy pradoŭžylisia, skazała Merkiel. Kali našyja vuhlevadarody dastaŭlalisia pa terytoryi respublik byłoha Savieckaha Sajuzu, nie było nikich prablem, pahadziŭsia Pucin.
21 studzienia prezydent Rasiei prymaŭ u sočynskaj rezydencyi «Bačaraŭ ručaj» kanclerku Niamieččyny Anhiełu Merkiel.
Siarod asnoŭnych pytańniaŭ sustrečy byli tranzyt enerhanośbitaŭ i partnerstva ŭ hetaj sfery. Paśla pieramovaŭ Anhieła Merkiel zajaviła na presavaj kanferencyi, što Rasieja zarekamendavała siabie nadziejnym pastaŭščykom enerharesursaŭ «jašče z časoŭ SSSR» i vyraziła pažadańnie, kab hetyja časy pradoŭžylisia, paviedamlaje «InfoRos» z spasyłkaj na radyjo «Majak».
Padobnym čynam razvažaje i Ŭładzimier Pucin: «U raniejšyja časy, kali va ŭmovach SSSR našyja vuhlevadarody dastaŭlalisia pa terytoryi Savieckaha Sajuzu, respublik byłoha Savieckaha Sajuzu i pa terytoryi respublik Varšaŭskaje damovy, nie było nijakich prablem», — pieradaje słovy rasiejskaha prezydenta Neftegaz.ru.
Taksama Pucin paabiacaŭ Merkiel chutčej prakładać trubapravody da bierahu Cichaha akijanu, pašyrać transpartavańnie vuhlevadarodaŭ na poŭnačy i paŭnočnym zachadzie Rasiei, kab źmienšyć zaležnaść ad tranzytnych dziaržaŭ.
Rasiejski prezydent u čarhovy raz zaviŭ, što nie dazvolić paratyzavać na Rasiei, bo «ŭ nas jość i svaje pensijanery, nastaŭniki, lekary, usie sacyjalnyja sfery. Čamu my musim subsydavać ekanomiki inšych krainaŭ i takim maštabie?» — źviarnuŭsia Pucin z rytaryčnym pytańniem vidavočna nie da Anhieły Merkiel.
Siarod inšych abmierkavanych na sustrečy temaŭ byli pytańni z pastaŭkami polskaha miasa, statusu Kosava, a taksama stanu pravoŭ čałavieka ŭ Rasiei.
Kamientary