Iryna Kazulina šukaje ŭ Polščy paratunku dla svajho muža
"Jon ža pamre, chvory i asłableny paśla amal što dvuchmiesiačnaj haładoŭki ŭ turmie", - kaža žančyna.
Chaču ratavać majho muža. Šukaju tych, chto dapamoža, paŭpłyvaje niejak na našyja ŭłady. Jon ža pamre, chvory i asłableny paśla amal što dvuchmiesiačnaj haładoŭki ŭ turmie – kaža Iryna, žonka Alaksandra Kazulina, jakaja znachodzicca ciapier u Varšavie.
‑ Nia viedaju, jak jon ciapier vyhladaje, u jakim stanie. Užo daŭno jaho nia bačyła. Apošni raz mnie dazvolili parazmaŭlać ź im pa telefonie na pačatku śniežnia. Razmaŭlaŭ ź vialikaj ciažkaściu. Było čutna, što jon vielmi słaby – raspaviadaje ledź nia šeptam Kazulina, sama źniasilenaja tym, što pieražyła za apošnija miesiacy.
Kazulina spatkałasia sa šmatlikimi palitykami. Kolki dzion tamu – z Rene van der Lindenam, staršyniom Parlamenckaj asamblei Rady Eŭropy, jaki abiacaŭ, što eŭrapiejskija palityki ŭva ŭsich razmovach z pradstaŭnikami Biełarusi buduć patrabavać nieadkładnaha vyzvaleńnia jejnaha muža. "U Varšavie ja maju spatkacca z pradstaŭnikami dziaržaŭnych uładaŭ, palityčnych partyjaŭ, parlamentaryjami. Im badaj što nia budzie składana zrazumieć, u jakim ciažkim stanoviščy apynuŭsia moj muž. Mnohija ź ich taksama siadzieli niekali ŭ turmach. Ja vielmi spadziajusia na Polšču" – kaža Kazulina.
Zdymak z sajtu bsdp.org
Kamientary