Pucin patłumačyŭ, jak praz Mytny sajuz choča dałučyć Biełaruś

«Budaŭnictva Mytnaha sajuza i Adzinaj ekanamičnaj prastory zakładaje asnovu dla farmavańnia ŭ pierśpiektyvie Jeŭrazijskaha ekanamičnaha sajuza. Adnačasova budzie iści i pastupovaje pašyreńnie koła ŭdzielnikaŭ Mytnaha sajuza i AEP za košt paŭnavartasnaha padłučeńnia da pracy Kyrhyzstana i Tadžykistana», — napisaŭ prem'jer-ministr Rasii Uładzimir Pucin ŭ «Iźviestijach».

Publikacyju možna razhladać jak prahramny vystup lidara Rasii, jaki viartajecca na pasadu prezidenta.

Susiednija nacyi paciepvajucca: «My nie spyniajemsia na hetym i stavim pierad saboj ambicyjnuju zadaču: vyjści na nastupny, bolš vysoki ŭzrovień intehracyi — da Jeŭrazijskaha sajuza», — piša Pucin.

Choć jon i supakojvaje: «Razmova nie pra toje, kab u tym ci inšym vyhladzie ŭznavić SSSR». «Naiŭna sprabavać restaŭravać abo kapijavać toje, što ŭžo zastałosia ŭ minułym». Ale meta jaho hranična jasnaja: «Ciesnaja intehracyja na novaj kaštoŭnasnaj, palityčnaj, ekanamičnaj asnovie — heta zahad času». «My prapanujem madel mahutnaha nadnacyjanalnaha abjadnańnia, zdolnaha stać adnym z polusaŭ sučasnaha śvietu i pry hetym hrać rolu efiektyŭnaj „źviazki“ pamiž Jeŭropaj i dynamičnym Azijacka-Cichaakijanskim rehijonam».

Pucin miarkuje ŭziać pad kantrol finansavyja sistemy susiednich krain, što daść mahčymaść kiravać imi ŭ doŭhaterminovaj pierśpiektyvie:

Jon ličyć, što Jeŭrazijski sajuz aŭtakratyi budzie «kankurentazdolnym ŭ industryjalnaj i technałahičnaj honcy, u spabornictvie za inviestaraŭ, za stvareńnie novych pracoŭnych miescaŭ i pieradavych vytvorčaściaŭ. «I razam ź inšymi klučavymi hulcami i rehijanalnymi strukturami — takimi jak ES, ZŠA, Kitaj, ATES — zabiaśpiečvać ustojlivaść hłabalnaha raźvićcia», — padkreślivaje rasijski premjer.

Pucin rasčyščaje darohu dla rasijskaha kapitału.

Mienavita praz hetyja ekanamičnyja miechanizmy Pucin raźličvaje adradzić impieryju ŭ novaj formie. Cikava, što jon abraŭ dla hetaha šlach, jakim stvaraŭsia Jeŭrasajuz.

Pry hetym Pucin sprabuje supakoić prychilnikaŭ jeŭraintehracyi, najpierš u Biełarusi i Ukrainie. «Niekatoryja našy susiedzi tłumačać niežadańnie ŭdzielničać u prasunutych intehracyjnych prajektach na postsavieckaj prastory tym, što heta nibyta supiarečyć ich jeŭrapiejskamu vybaru. Liču, što heta iłžyvaja raźviłka. My nie źbirajemsia ni ad kaho adharodžvacca i kamu-niebudź supraćstajać. Jeŭrazijski sajuz budzie budavacca na univiersalnych intehracyjnych pryncypach jak nieadjemnaja častka Vialikaj Jeŭropy, abjadnanaj adzinymi kaštoŭnaściami svabody, demakratyi i rynkavych zakonaŭ», — piša Pucin.

Tolki ŭ ES asnovaj dla intehracyi była demakratyja i raŭnavaha partnioraŭ. A Jeŭrazijski sajuz ryzykuje stać novym prykryćciom dla realizacyi impierskich intaresaŭ, jak i SSSR z sajuza farmalna svabodnych respublik chutka pieraradziŭsia ŭ tatalitarnaha monstra.

• 0
• 0
• 0
• 0
• 0
• 0
• 0
• 0