Klijentaŭ suteniorša znachodziła praź internet.
Jak paviedamiŭ namieśnik načalnika adździeła prakuratury Bresckaj vobłaści Hienadź Bury, 19 vieraśnia 2010 hoda
žančyna ŭhavaryła zaniacca prastytucyjaj16-hadovuju navučenku adnaho z kaledžaŭ horada Baranavičy, zaviedama viedajučy pra jaje niepaŭnaletni ŭzrost.
U sakaviku 2011 hoda, kali navučenka stała admaŭlacca akazvać sieksualnyja pasłuhi za hrošy, suteniorša zabrała ŭ jaje ličbavy fotaaparat i stała prymušać zajmacca prastytucyjaj.
U kancy studzienia 2011 hoda šlacham uhavoraŭ žančyna schiliła da zajmańnia prastytucyjaj paŭnaletniuju dziaŭčynu. Klijentaŭ im suteniorša znachodziła praź internet.
2 žniŭnia 2011 hoda sud Baranavickaha rajona i horada Baranavičy pryznaŭ jaje vinavataj va ŭciahvańni ŭ zajmańnie prastytucyjaj paŭtorna ŭ dačynieńni da zaviedama niepaŭnaletniaj, prymusu da praciahu zajmańnia prastytucyjaj, a taksama ŭ vykarystańni zajmańnia prastytucyjaj inšaj asobaj (č. 2 art. 171–1 i č. 2 art. 171 KK).
Sud uličyŭ čystasardečnaje raskajańnie abvinavačanaj, mierkavańni paciarpiełych ab nieprymianieńni da jaje pakarańnia ŭ vyhladzie realnaha pazbaŭleńnia voli, a taksama toje, što ŭ jaje na ŭtrymanstvie znachodziacca dvoje małaletnich dziaciej, kampiensacyju maralnaha ŭronu paciarpiełym, pryhavaryŭ žančynu da siami hadoŭ pazbaŭleńnia voli z kanfiskacyjaj majomaści z adterminoŭkaj vykanańnia pakarańnia na dva hady.
Jak zaznačyŭ Bury, 11 kastryčnika sudovaja kalehija pa kryminalnych spravach Bresckaha abłasnoha suda razhledzieła kasacyjny pratest prakuratury horada Baranavičy na nieabhruntavanaje prymianieńnie artykuła 77 KK, zhodna ź jakim asudžeńnie z adterminoŭkaj vykanańnia pakarańnia prymianiajecca ŭ vypadku pazbaŭleńnia voli na termin da piaci hadoŭ, i vyznačyła abvinavačanaj pakarańnie ŭ vyhladzie piaci hadoŭ pazbaŭleńnia voli z prymianieńniem art. 70 KK (pryznačeńnie bolš miakkaha pakarańnia, čym praduhledžana za hetaje złačynstva) z ulikam najaŭnych źmiakčajučych akaličnaściaŭ, z kanfiskacyjaj majomaści z adterminoŭkaj vykanańnia na dva hady.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju3
Kamientary