Damen xxx: hieta dla onłajn-parnahrafii

Prajekt pahadnieńnia pa pieradačy administravańnia damenu .xxx firmie «ICM Registry» byŭ abvieščany internet-karparacyjaj pa spravach prysvojvańnia nazvaŭ i numaroŭ «ICANN» 5 studzienia. Ciaham miesiaca možna było vynosić zaŭvahi da prajektu. Pavodle infarmacyi «The Guardian», arhumentaŭ suprać prajektu – bolšaść.

Damen .xxx, jaki pavinien byŭ achoŭvać dziaciej ad parnahrafii ŭ internecie, maje praciŭnikaŭ amal uva ŭsich asiarodkach, što zajmajucca hetaj źjavaj. Arhanizacyi pa baraćbie z parnahrafijaj ličać, što ŭsie sproby lehitymizacyi hetaj źjavy prynosiać škodu. U svaju čarhu rašučyja abaroncy adsutnaści cenzury ŭ Internecie miarkujuć, što rasparadžeńnie źmiaščać usie staronki, źviazanyja z seksualnaściu, na adnym damenie, vyklikaje styhmatyzacyju hetych źmiestaŭ, jakija nie zaŭsiody źjaŭlajucca parnahrafičnymi. Taksama časta źjaŭlajecca arhument, što zabaronieny płod sałodki, i tamu srodak, jaki maje na mecie abaranić dziaciej ad parnahrafii, tolki ablehčyć im dostup da jaje.

Abminajučy, adnak, etyčnyja arhumenty, uviadzieńnie abaviazku źmiaščać eratyčnyja staronki ŭ damenie .xxx źjaŭlajecca, na dumku «Guardian», škodnym z čysta ekanamičnych pryčynaŭ. «ICM Registry» zrabiłasia b manapolijaj na vielizarnym, vyklučna dachodnym rynku, nie stvarajučy faktyčna ničoha novaha dla abarony dziaciej.

A kali b damen .xxx uźnik biez uviadzieńnia adnačasna zhadanaha abaviazku? Peŭna, staronki z parnahrafijaj, jakija dziejničajuć u dadzieny momant, nie skarystalisia b z hetaj prapanovy, bo košty za źmienu adrasu byli b značna vyšejšymi za karyść ad takoj aperacyi. Adnak, jak ličyć «Guardian», «ICM Registry» mieła b harantavanuju vyhadu. Čamu?

Napeŭna b, da firmy hurtam zavitali asoby i kampanii, što specyjalizujucca ŭ spekulacyi adrasami URL. Jany branirujuć internet-adrasy, jakimi mahli b być patencyjna zacikaŭlenyja firmy, a paśla pierapradajuć ich z adpaviednaj vyhadaj.

Druhaja hrupa zacikaŭlenych – heta jakraz karparacyi, zusim nie źviazanyja z parnahrafijaj. Jany musili b zabraniravać adrasy svaich marak u hetym damenie tolki dziela taho, kab zhadanyja vyšej spekulanty nie zrabili hetaha za ich. Internet-adras, naprykład, vytvorcy cacak u parnahrafičnym damenie mieŭ by katastrafičnyja vyniki dla tvaru firmy.

Urešcie, adrasami ŭ damenie .xxx mahli b zacikavicca niekatoryja parnahrafičnyja firmy. Vykupleńnie takoha adrasu jany b traktavali jak strachoŭku na toj vypadak, kali b usio ž byŭ uviedzieny abaviazak pieravodu staronak u damen .xxx.

Nivodnaja z hetych matyvacyjaŭ nie źviazanaja z achovaj dziaciej ad parnahrafii. Kožnaja ž zabiaśpiečyć firmie «ICM Registry» šmathadovyja dachody.

• 0
• 0
• 0
• 0
• 0
• 0
• 0
• 0