Па словах удзельнікаў, па ўсім свеце ў яе ўступіла 2 мільёны чалавек.
Фінансавая піраміда «МММ-2011», запушчаная Сяргеем Маўродзі ў студзені гэтага года, прыцягнула нямала прыхільнікаў сярод жыхароў Беларусі. Як распавёў адзін з беларускіх удзельнікаў праекта,
на дадзены момант у сістэме каля 70 тысяч нашых суайчыннікаў, і іх колькасць увесь час расце.
«Праект у Беларусі, як і паўсюль, запушчаны ў студзені, усё працуе стабільна, ва ўсім свеце ўжо прынялі удзел больш за 2 мільёны чалавек, ні ў кога няма прэтэнзій і скарг, дагэтуль усё ўсім выплачваецца ў поўным аб'ёме», — адзначыла крыніца.
Па яго словах,
у сярэднім беларусы ўкладваюць у новую «МММ» ад $500 да $2000.Пры гэтым сустракаюцца і ўнёскі па $10 000. І ва ўмовах нестабільнасці беларускага рубля колькасць ахвотнікаў «рызыкнуць» у «МММ» расце.
Для куплі віртуальных МММ-даляраў удзельнікі павінны адкрыць банкаўскі рахунак (у амерыканскіх далярах ці беларускіх рублях) і звязацца з адпаведным чалавекам у іерархіі піраміды.
Адсоткі, якія прапануе Маўродзі сваім інвестарам, уражваюць.
На асноўным унёску можна атрымаць прыбытак у 20% у месяц.А дэпазітны ўнёсак на год можа прынесці і па 50% штомесяц. Праўда, пры такім унёску грошы нельга забраць з рахунку на працягу ўсіх 12 месяцаў.
Цікава, што Маўродзі з самага пачатку працы праекта на сваім сайце папярэдзіў, што «МММ-2011» — гэта фінансавая піраміда, і грошы бяруцца толькі са сродкаў новых удзельнікаў. Усё можа ў любы момант паваліцца, і ўдзельнікі страцяць усе грошы без усякіх прычын і тлумачэнняў.
Пры гэтым прэтэнзій у праваахоўных органаў да праекта няма і быць не можа, бо
«МММ-2011» не юрыдычная асоба.
«З юрыдычнага пункта гледжання „МММ-2011“ наогул не існуе. Па факце — гэта сацыяльная сетка, мноства фізічных асоб, усе грошы распылены на рахунках дзясятнікаў, якія абслугоўваюць шараговых удзельнікаў, — лічыць ён. —
Сам жа Сяргей Маўродзі — фармальна ніякі не кіраўнік, а кансультант».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары