Cenzura na Tut.by: Volskaha adklučyli ad efiru

Anłajn-tranślacyja kancerta Lavona Volskaha ŭ žyvym efiry na partale Tut.by-TV na pałovie była spynienaja. «My mieli padstavy, kab heta zrabić, kali Lavon pačaŭ adkryta ździekvacca ź dziaržaŭnych asobaŭ», — skazaŭ «Tuzinu hitoŭ» hienieralny dyrektar Tut.by Jury Zisier. Samomu Volskamu pra spynieńnie tranślacyi paviedamili tolki kali jon vyjšaŭ sa studyi paśla hadzinnaha efiru.

Sustreča ź Lavonam Volskim ŭ žyvym efiry na partale anansavałasia ŭ 14.00 25 kastryčnika. Mierkavałasia zładzić anłajn-prezientacyju jaho knihi «Miłaruś», a taksama kancert z najlepšych piesień. U čas razmovy

Volski zhadaŭ pra situacyju, u jakoj apynuŭsia jaho kaleha Siarhiej Michałok, a taksama parazvažaŭ nakont taho, što prahlad dziaržaŭnych telekanałaŭ ujaŭlaje ź siabie sieans mazachizmu.

«U nas nikoli jašče nie zdarałasia padobnaha, — pryznaŭsia hienieralny dyrektar Tutbaja Juryj Zisier. — Ale

my mieli padstavy, kab prypynić tranślacyju, kali Lavon pačaŭ adkryta ździekavacca ź dziaržaŭnych asobaŭ.

Sam Lavon Volski pryznaŭsia, što navat trochi razhubiŭsia, kali daviedaŭsia, kolki verchału narabiŭ jaho vystup. «Mnie navat ciažka ŭjavić, što dało padstavy dla adklučeńnia efiru.

Z majho boku nie hučała zaklikaŭ da źviaržeńnia dziaržaŭnaha ładu, ni abrazaŭ sami-viedajecie-kaho, nie było anijakich dziejańniaŭ seksualnaha charaktaru i nie łajaŭsia ja, zdajecca. Mahčyma, prosta mocna razmachvaŭ rukami,

takuju reakcyju ŭ kiraŭnictva partała vyklikała jaho pieśnia «Manałoh Saŭki» — humareska pra toje, jak staršynia vybarčaj kamisii vypadkova trapiŭ pad začystku paśla prezidenckich vybaraŭ.

«Viadoma, mnie niepryjemna, što zdaryłasia takaja situacyja.

Mahło być zvyčajnaje intervju, a takim zachadami budzie nahniatacca chvaravitaja cikavaść, što pryviadzie zusim da advarotnaha efiektu»

Redakcyja Tut.by usio ž abiacaje vykłaści videa-kancert i razmovu ź Lavonam Volskim. Užo ŭ adredahavanym vyhladzie.

«Manałoh Saŭki»:

Uvažajemyja tavaryšy načalniki!
Prebyvaju ŭ sastajanii piačali ja…
Abažajemyja maje rukavadzicieli,
Ja sičas vsio abjaśniu u abjaśnicielnaj.
Ja rabotaŭ na ŭčastku iźbiracielnam.
Da nie kiem-nibudź, a cełym pradsiadacielem.
Padščytali hałasa — žyvi i radujsia.
Dajcie šapku i palto! — damoj sabraŭsia ja.
Toka vyjšaŭ na viačerniuju ja ulicu,
Ad AMONa pałučyŭ dubinkaj pa licu.
Nu, a pośle — nie paśledniaha, nie piervaha —
Ŭ aŭtazak mianie zakinuli, jak dzierava.
Ja AMONu abjaśniaŭ svaju pazicyju:
«Ja saŭsiem nie atnašusia k apazicyi.

Vy, rabiaty, prysmatrycieś charašeńka!
Ja takoj ža, kak i vy — za Łukašenku»…

Ja kryčaŭ, ja klaŭsia našaj vłaści ŭ viernaści,
No usłyšali mianie ludzi saŭsiem nie cie.
Pasažyry aŭtazaku astalnyja

Jeśli nada, ad žany ja adrakajusia.
I nie znaju v čom, no jeśli nada, kajusia.
Toka ž vy miania, prašu, nie uvalniajcie

Ja hatovy padpisać, što mnie prykažuć
Prociŭ cioščy, možet, prociŭ mamy daže,

***

Cpiavak zatym raskazaŭ Jeŭraradyjo, što na TUT.BY nie pakryŭdziŭsia, a pavodziny kiraŭnictva partała nazvaŭ zahadkavymi.

Lavon Volski: «Tam nie było nijakaj kramoły… Dla mianie ŭvohule było navinoj, kali ja viarnuŭšysia dadomu daviedaŭsia pra spynieńnie tranślacyi. Heta była ŭsiaho tolki satyryčnaja pieśnia pra pryhody Saŭki padčas vybarčaj kampanii, kali jon byŭ staršynioj na adnym z vybarčych učastkaŭ… Pavodziny kiraŭnictva partału dla mianie zahadkavyja. Takoje rašeńnie pryciahnie niepatrebnuju uvahu».

Jeŭraradyjo taksama źviarnułasia pa kamientar da redaktarki partała TUT.BY Maryny Zołatavaj.

Jana nazvała spynieńnie tranślacyi vystupu muzyki «impulsiŭnym rašeńniem».

Maryna Zołatava: «Rašeńnie adklučyć tranślacyju było impulsiŭnym. Niekalki hadzinaŭ my nie viedali, što rabić z zapisanym materyjałam. Nie mahli pryniać rašeńnia. Adnak u vyniku my vyrašyli, što ŭsio ž źmieścim materyjał całkam — z usimi pieśniami Lavona.

Intervju budzie pastaŭlena całkam. Mianie asabista vielmi ździŭlaje reakcyja ŚMI.

• 0
• 0
• 0
• 0
• 0
• 0
• 0
• 0