Jaho adpuścili z-za krataŭ viečaram 8 listapada.
Były palitviazień Alaksandr Małčanaŭ znachodzicca doma. Jaho adpuścili
Paśla padziej 26 kastryčnika, kali ŭ centry Barysava nieviadomymi byli zalityja farbaj dziaržaŭnyja ściahi, suprać byłoha palitviaźnia Alaksandra Małčanava i jaho siabra Andreja Mikałajeŭskaha raspačali kryminalnuju spravu za abrazu dziaržaŭnych simvałaŭ.
Na kvatery Małčanava supracoŭniki milicyi praviali pieratrus, padčas jakoha zabrali piersanalny kampjutar. Na jaho skłali administracyjny pratakoł, i sud Barysaŭskaha rajona aryštavaŭ aktyvista na 10 sutak za niepadparadkavańnie supracoŭnikam milicyi.
Tym časam na kvatery byŭ praviedzieny paŭtorny pieratrus. Paśla hetaha i była ŭzbudžana ŭžo kryminalnaja sprava — za źniavahu dziaržaŭnych simvałaŭ
U Andreja Mikałajeŭskaha pieratrus taksama pravodzili dvojčy. Jaho abvinavačvajuć pa tym ža artykule, što i Małčanava.
Abodvum chłopcam, kali sprava dojdzie da suda, moža pahražać źniavoleńnie na termin da hoda, albo aryšt da troch miesiacaŭ. Inšy varyjant — da chłopcaŭ mohuć užyć i takuju mieru pakarańnia, jak papraŭčyja raboty terminam da dvuch hadoŭ ci hramadskija raboty.
Svoj aryšt Małčanaŭ abskardžvaje ŭ Minskim abłasnym sudzie. Razhlad skarhi pryznačany na 18 listapada.
Alaksandr Małčanaŭ dahetul maje status padazravanaha ŭ kryminalnaj spravie.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary