U Biełarusi pačynajecca miesiačnik enierhaaščadžeńnia
Pad łozunham «My za enierhaefiektyŭnaść!»
Miesiačnik pa enierhaźbieražeńniu «My — za enierhaefiektyŭnaść!» projdzie ŭ Biełarusi z 15 listapada pa 15 śniežnia pa inicyjatyvie ŭrada. Pra heta paviedamiła načalnik adździeła arhanizacyjna-pravavoj raboty i ŭzajemadziejańnia sa ŚMI departamienta pa enierhaefiektyŭnaści Dziaržstandarta Žanna Ziańkievič.
Departamientam sumiesna ź ministerstvami žyllova-kamunalnaj haspadarki, pramysłovaści, enierhietyki, infarmacyi, abłvykankamami, Minskim harvykankamam, hramadskimi arhanizacyjami i inšymi zacikaŭlenymi ŭ chodzie miesiačnika płanujecca šyrokamaštabnaje praviadzieńnie tematyčnych sieminaraŭ, konkursaŭ, pres-mierapryjemstvaŭ i inšych akcyj.
Meta miesiačnika — pryciahnuć uvahu hramadskaści da pytańniaŭ efiektyŭnaha vykarystańnia enierharesursaŭ, prymianieńnia enierhaźbierahalnych pryboraŭ i abstalavańnia, a taksama pavysić infarmavanaść nasielnictva ab praktyčnych sposabach ekanomii ŭ bycie, farmiravać psichałohiju bieražlivaści.
U Biełarusi pa vynikach studzienia-vieraśnia 2011 hoda za košt mierapryjemstvaŭ pa enierhaźbieražeńniu sekanomlena 998,8 tys.tup. Za dzieviać miesiacaŭ biahučaha hoda respublika źniziła raschod paliva i elektraenierhii biez uliku śvietłych naftapraduktaŭ i syraviny na 1,7 pracenta da 18,86 młn.tup. Enierhajomistaść VUP za studzień-žnivień biahučaha hoda skaraciłasia na 6,6 pracenta.
Zhodna z prahnozam na 2011 hod Biełaruś pavinna źnizić enierhajomistaść vałavoha ŭnutranaha praduktu na 6–7 pracentaŭ. Ekanomija paliŭna-enierhietyčnych resursaŭ u biahučym hodzie čakajecca na ŭzroŭni 1,36–1,5 młn.tup. Rabota pa enierhaźbieražeńniu ŭ Biełarusi pravodzicca ŭ adpaviednaści z patrabavańniami Dyrektyvy numar 3.-0-
Kamientary