U staličnym budaŭnictvie vyjavili «finki»

Departamient finansavych rasśledavańniaŭ Kamiteta dziaržaŭnaha kantrolu (DFR KDK) Biełarusi vyjaviŭ iłžepradprymalnickija kampanii ŭ struktury budaŭničych dziaržzakazaŭ biełaruskaj stalicy.

U traŭni pravaachoŭnymi orhanami Minska była raspačataja kryminalnaja sprava ŭ dačynieńni da namieśnika dyrektara pryvatnaha pradpryjemstva «SMU-Horstroj». Jon padazravaŭsia ŭ bujnym kradziažy srodkaŭ padčas kapitalnaha ramontu staličnaj vulicy Chałturyna.

Padazravany ŭ listapadzie 2009 hoda nibyta vyjhraŭ u KUP «UKB Administracyi Savieckaha rajona h. Minska» tendar na praviadzieńnie rabot pa abjekcie «Kapitalny ramont vuł. Chałturyna ŭ Minsku «. 20 žniŭnia 2010 hoda, majučy namier na kradziež majomaści, namieśnik dyrektara padpisaŭ akty zdačy-prymańnia vykananych za pieryjad ź listapada 2009 hoda pa žnivień 2010 hoda budaŭničych i inšych śpiecyjalnych prac pa abjekcie. Nasamreč, jak vyśvietlili apieratyŭniki, dadzienyja pracy faktyčna nie byli vykananyja, što pryniesła KUP «UKB administracyi Savieckaha rajona h. Minska» škodu ŭ pamiery 52 miljonaŭ rubloŭ.

Cikava, što pryvatnaja kampanija była zarehistravanaja ŭsiaho za niekalki miesiacaŭ da atrymańnia vyhadnaha zakazu va UKB,

U vyniku pravierki stała viadoma, što dyrektar kampanii z metaj ažyćciaŭleńnia złačynnaj dziejnaści ŭ śfiery budaŭnictva stvaryŭ sietku finkampanij dla niezakonnaha abarotu srodkaŭ. Nibyta jon u pieryjad z 1 vieraśnia 2009 pa 14 listapada 2011 ad imia i z vykarystańniem rekvizitaŭ, piačatak, raźlikovych rachunkaŭ padkantrolnych im kamiercyjnych struktur naŭmysna ažyćciaŭlaŭ na terytoryi Biełarusi niezakonnuju pradprymalnickuju dziejnaść bieź dziaržaŭnaj rehistracyi, jakija vyjavilisia ŭ praviadzieńni niezakonnych finansavych apieracyj z vykarystańniem rachunkaŭ nazvanych subjektaŭ haspadarańnia.

Pa dadzienych DFR KDK, usiaho za dva hady dyrektar atrymaŭ prybytak na sumu kala miljarda rubloŭ. Tolki padčas pieratrusaŭ apieratyŭnikami departamienta było znojdziena i kanfiskavana bolš za 600 tysiač dalaraŭ. Pa dadzienym fakcie ŭ dačynieńni da dyrektara i jašče adnoj asoby raspačataja kryminalnaja sprava č.2 art.233 (niezakonnaja pradprymalnickaja dziejnaść, spałučanaja z atrymańniem dachodu ŭ asabliva bujnym pamiery) Kryminalnaha kodeksa Biełarusi.

Miarkujučy pa infarmacyi DFR KDK, budaŭničyja čynoŭniki ŭviazalisia ŭ ciesnyja ŭzajemaadnosiny sa strukturaj, jakaja nie tolki vykradała hrošy dziaržbiudžetu, ale i zajmałasia niezakonnymi finapieracyjami, heta značyć, pa sutnaści była «finkaj».

U DFR KDK pakul nie kažuć, čyje hrošy prachodzili praz rachunki vyjaŭlenych finkampanij, ale nie vyklučajuć i taho, što tam mahli admyvacca srodki bujnych karupcyjnych čynoŭnikaŭ. Inakš jak tolki što stvoranaja kampanija mahła atrymać vyhadny staličny zakaz?

• 0
• 0
• 0
• 0
• 0
• 0