Zatrymka ŭ płaciažach skłała dva miesiacy, za hety čas kvatery padaraželi na tracinu.
Minskija dolščyki, damy jakich buduć zdadzienyja ŭ ekspłuatacyju ŭ 2012 hodzie i paźniej, atrymali niečakany siurpryz ad «Biełarusbanka». U piatnicu, 16 śniežnia, bank uznaviŭ vypłaty pa kredytach na lhotnaje budaŭnictva. Paćvierdžańnie hetaj infarmacyi «Naša Niva» atrymała ad dolščykaŭ, jakija budujucca ŭ troch roznych damach Minska.
Nahadajem, z 10 kastryčnika «Biełarusbank», spasyłajučysia na rašeńnie Savieta ministraŭ, u adnabakovym režymie spyniŭ pieravod hrošaj na rachunak zabudoŭščykaŭ. Paviedamlałasia, što situacyja zastaniecca niaźmiennaj da kanca hoda.
Ciapier mnohija dolščyki zmohuć uzdychnuć spakojna. Jany rychtavalisia da horšaha, ale abyšlisia paraŭnalna małoj kryvioju.Niekatoryja ź ich, kab vykanać čarhovy płaciož, byli vymušanyja adkryvać dadatkovyja kredytnyja linii pa kamiercyjnych staŭkach. Inšyja płacili hrašyma, adkładzienymi na ramont. Tyja ž, chto čakaŭ dva miesiacy, pavieryŭšy ŭładam, usio adno zastalisia «ŭ minusie». Za čas niepłaciažoŭ ich kvatery istotna padaraželi, ale roźnicu ŭ košcie daviadziecca apłačvać svaimi srodkami.
A nieapłačanaja častka kvatery za hetyja miesiacy vyrasła ŭ canie na 32,4%.
Takim čynam, Saviet Ministraŭ, Minharvykankam i «Biełarusbank» usio ž nie ryzyknuli ŭnosić źmieny ŭ raniej zaklučanyja kantrakty, a stali vykonvać damovy, choć i sa spaźnieńniem.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary