Kiraŭnica Femen Hanna Hucał: Łukašenka nieadekvatny

Radyjo «Svaboda» ŭziało intervju ŭ lidarki ruchu Femen Hanny Hucał. Dziaŭčaty daŭno pryciahvajuć uvahu da roznych prablem svaimi pravakatyŭnymi pierformansami. Ale ŭpieršyniu jany praviali svaju akcyju ŭ dyktatarskaj krainie. I vynik — aktyvistki źnikli. Spačatku im udałosia ŭciačy z-pad KDB, dzie jany praviali svoj śmieły chepieninh. KDBisty najpierš kinulisia zatrymlivać žurnalistak ź vialikimi kamierami, kab źniščyć fotamateryjały. Imavierna, Femen-istak vysačyli paźniej pa mabilnym telefonie, na jaki jany pryniali telefanavańnie ad žurnalista Jeŭraradyjo. Pakul nieviadoma, dzie jany. Načalnik Centra infarmacyi i hramadskich suviaziaŭ KDB Alaksandr Antanovič nazvaŭ akcyju «hrubaj spłanavanaj pravakacyjaj».

— Jak u aktyvistak ruchu źjaviłasia dumka pravieści akcyju ŭ Biełarusi?

— My vielmi siabrujem ź biełarusami-apazycyjanerami, jakija žyvuć u Kijevie, časta chodzim na ich pasiadžeńni, prahlady filmaŭ, i my ščyra praniklisia idejaj vyzvaleńnia biełaruskaha narodu ad dyktatara, i ŭ nas navat sfarmavałasia asobnaja frakcyja Femen — prychilnikaŭ biełaruskaha narodu. My doŭha spračalisia i pryniali rašeńnie, što pavinny padtrymać biełaruski narod nia prosta ŭ Kijevie, a pavinny pajechać u Miensk, kab pakazać narodu Biełarusi, što treba zmahacca, što nielha bajacca, što navat my, dziaŭčaty z Ukrainy hatovyja pryjaždžać da vas i pratestavać suprać Łukašenki.

— Dziaŭčaty, jakija siońnia naładzili akcyju kala budynku KHB u Miensku — Alaksandra Niamčynava, Aksana Šaćko i Ina Šaŭčenka — nakolki jany ŭśviedamlali ryzyku, da jakoj reakcyi biełaruskich uładaŭ jany byli hatovyja?

— Jechali samyja pravieranyja bajcy, dziaŭčaty, jakija viedali, što mohuć być prablemy, što možna adsiadzieć sutki, mohuć być fizyčnyja kalectvy. Pajechali tyja, chto hatovyja byli paciarpieć, kali b takoje zdaryłasia. Ale ludzi vieryli, što svajoj akcyjaj jany natchniać biełaruski narod nie bajacca, abaraniać svaju volu.

— Časam na adras ruchu Femen možna pačuć krytyku, što ŭ jaho niama nijakaj idealohii, nijakaha źmiestu, a tolki formy-to bok pryvabnaja forma pratestu, ale suprać čaho pratestavać — nia tak važna. Nakolki apraŭdanaja takaja krytyka?

— Heta kažuć złaśliŭcy, jakija naohuł suprać žanočych pratestaŭ, a tym bolš — toples-pratestaŭ. Naša hałoŭnaja idealohija — što ŭ spravie vyzvaleńnia žančyny ŭ patryjarchalnym śviecie treba być maksymalna radykalnymi, i tolki toples-pratest moža ŭzburyć hety patryjarchalny śviet, i tamu my ličym, što my na słušnym šlachu. Žanočaja revalucyja pavinna ździejśnicca, i jana pavinna prachodzić mienavita ŭ toples-farmacie: čym bolš radykalna, tym bolš efektu ad našych dziejańniaŭ. U nas — idealohija vyzvaleńnia žančyny, svabody i demakratyi va ŭsich krainach, my hatovyja dapamahać ludziam va ŭsich krainach. Nam pišuć ludzi z Brazylii, ź Biełarusi. Femen — dastatkova mocny idealahičny ruch, u adroźnieńnie ad tych ža ukrainskich partyjaŭ, u jakich adna idealohija — vybivańnia «babła» z ukrainskaha narodu.

— Toje, što vy vykarystoŭvajecca aholenaje cieła — ci nie spryjaje pašyreńniu hendernych stereatypaŭ, što žančyna heta najpierš seksualny abjekt?

— Naadvarot: henderny stereatyp — što žančyna seksualny abjekt, jaki pavinien być schavany pad vopratkaj, i što žanočaje cieła naležyć mužu, reklamnamu biznesu, seks-industryi. My chočam pakazać što cieła žančyny pieradusim naležyć joj i hramadzianskaj baraćbie.

— Jak vy damaŭlajeciesia pra niejkija akcyi — ci uzhadniajuć aktyvistki svaje idei z astatnimi, ci jość u vas niejki štab?

Pa-pieršaje, my zaŭsiody prymajem rašeńni kalektyŭna, u nas jość asnoŭny skład arhanizataraŭ, viadoma, tut pavinna być dobraja vola aktyvistaŭ, jakija buduć udzielničać u akcyi. Nichto niedobraachvotna nie ŭdzielničaje. Pryncyp adboru temy zaležyć ad finansavych mahčymaściaŭ — ci možam my vyjechać u niejkuju krainu. Kali b u nas byli bolšyja mahčymaści, my b prysutničali amal u kožnaj krainie śvietu.

— Ci jość adčuvańnie, što ŭ niekatorych hramadztvach takija performansy, jak u vas, mohuć naadvarot adšturchnuć bolš ludziej ad vašych idejaŭ, čym pryciahnuć, pryvabić?

— Nie, my pravodzili akcyju ŭ abaronu iranskich žančyn, u abaronu žančyny, jakuju źbiralisia zabić kamianiami za zdradu pamierłamu mužu, my zryvali dni iranskaj kultury ŭ Kijevie, toples, i my atrymali vialikuju kolkaść listoŭ udziačnaści ź Iranu: pisali i zvanili i mužčyny, i žančyny. Čym bolš paniavoleny narod, tym bolš jon hatovy prymać radykalnuju padtrymku, i dla jaho nia maje značeńnie, toples ty vyjšaŭ albo nie — im važna, što ty ich padtrymlivaješ. I kali jość rozhałas u presie, heta maje dla ich značeńnie.

— Što b vy adkazali tym, chto kaža, što Femen robić sabie reklamu, kab paśla zarablać na pratestach hrošy?

— Niachaj znojdziecca chacia b niechta, chto paćvierdzić, što Femen za niejkija akcyi prasiŭ ci braŭ hrošy. My — niezaležny ruch i nie zarablajem na akcyjach, my hramadzianski ruch, zarablajem svaimi mahčymaściami, svajoj kramaj, dziakujučy dabračynnym unioskam.

— Jakaja reakcyja na vašy akcyi zdajecca vam najbolš praduktyŭnaj? Paśla siońniašniaj akcyi ŭ Miensku — na jaki efekt vy raźličvali?

— Pa-pieršaje, u Kijevie nam vykazvajuć udziačnaść vielmi šmat biełarusaŭ, i ludzi pišuć nam i ŭ sacyjalnych sietkach, i heta toj vynik, jaki my chacieli pabačyć. Mnohija pišuć: «Dziakuj vam za śmiełaść, i nam pavinna być soramna za toje, što my baimsia». Chacia my razumiejem, što my — hramadzian inšaj krainy, i ŭ nas bolšaja biaśpieka, a sa svaim narodam Łukašenka moža zrabić usio što zaŭhodna.

— Ci možna čakać ad vašaha ruchu bližejšym časam jašče niejkich akcyj u padtrymku Biełarusi?

— Dumaju, tak. My chočam i nadalej praciahvać zmahańnie z režymam Łukašenki, my budziem i nadalej praciahvać demanstravać jahonuju błazienskuju pryrodu i kazać pra toje, što jahonyja nieadekvatnyja dziejańni mohuć pryvieści da katastrofy Biełaruś — ad hramadzianskaj vajny da zachopu Rasiejaj. I tamu my budziem dapamahać zmahacca biełaruskamu narodu za demakratyju.

• 0
• 0
• 0
• 0
• 0
• 0
• 0
• 0