Delehacyja apazycyjaneraŭ moža sustrecca ŭ ZŠA ź «nievyjaznym» Navumavym
U toj čas jak delehacyja lideraŭ abjadnanych demakratyčnych siłaŭ źbirałasia ŭ ZŠA, stała viadoma, što ŭ Štaty vypravicca (ci ŭžo vypraviŭsia) nievyjazny ministar unutranych spraŭ Uładzimier Navumaŭ.
U toj čas jak delehacyja lideraŭ abjadnanych demakratyčnych siłaŭ źbirałasia ŭ ZŠA, za vyniatkam Alaksandra Milinkieviča, jaki admoviŭsia lacieć u Štaty, stała viadoma, što ich tam čakaje pryjemny (ci nia nadta) siurpryz. U ZŠA vypravicca (ci ŭžo vypraviŭsia) nievyjazny ministar unutranych spraŭ Uładzimier Navumaŭ. Na žal, u niadzielu, kali stała pra heta viadoma , «Je» nie ŭdałosia dazvanicca da kiraŭnika ŭpraŭleńnia infarmacyi j hramadzkich suviaziaŭ MUS, kab vyśvietlić, pa jakich spravach vypraŭlajecca ŭ dalokuju darohu ministar. Ale, jakim by nia byŭ adkaz, fakt sam pa sabie znakavy. Jašče dniom u niadzielu, kali Vincuk Viačorka, Siarhiej Kalakin, Iryna Kazulina i Anatol Labiedźka siadali ŭ samalot, jany nia viedali, što ŭ toj ža čas, kali jany buduć vystupać u kanhresie i ŭ dziarždepartamencie, u Štatach budzie znachodzicca U.Navumaŭ. U štabie AHP z hetaj nahody navat pažartavali: «Voś, pryšpilna budzie, kali delehacyja demakrataŭ i Navumaŭ palaciać u ZŠA na adnym samalocie».
«NN»: Ministar Navumaŭ mieŭsia ŭdzielničać u mižnarodnaj kanferencyi pa supraćdziejańni handlu ludźmi ŭ Ńju-Jorku. Siońnia pakul nie było jasnaści, ci sapraŭdy adbudziecca jahony vizyt.
Fota Andreja Lankieviča
Kamientary