Zrobleny krok da bolš intensyŭnaj intehracyi rynku elektronnych kamunikacyjaŭ u EZ.
27 lutaha Eŭrapiejski Kamisar pa pytańniach infarmacyjnaha hramadztva i ŚMI Vivjen Redzinh i staršynia Hrupy eŭrapiejskich rehulatarnych instytutaŭ (ERG) Raberta Vioła raspaŭsiudzili sumiesnuju zajavu, pryśviečanuju planam refarmavańnia eŭrapiejskich rehulatarnych ramak u sfery elektronnych kamunikacyjaŭ.
Metaj reformy źjaŭlajecca stvareńnie adzinaha eŭrapiejskaha rynku elektronnych kamunikacyjaŭ i stymulavańnie raźvićcia ahulnaeŭrapiejskich i transhraničnych pasłuhaŭ u hetaj sfery. Adnym ź pieršych krokaŭ pavinna stać kaardynacyja nacyjanalnych rehulatarnych padychodaŭ, ličyć Eŭrapiejskaja Kamisija.
“Kansultacyi z hramadzkaściu, praviedzienyja Kamisijaj u minułym hodzie, dali krychu tryvožnyja syhnały adnosna ŭmovaŭ raźvićcia realnaha ŭnutranaha rynku elektronnych kamunikacyjaŭ”, - prakamentavała padzieju Kamisar Redzinh. “U suviazi z hetym ja vitaju hatoŭnaść Hrupy eŭrapiejskich rehulatarnych instytutaŭ da ščylnaha supracoŭnictva z Kamisijaj. Padobnaje supracoŭnictva budzie nakiravanaje na pieraadoleńnie skažeńniaŭ kankurencyi na rynku i vyrašeńnie šerahu inšych pytańniaŭ, źviazanych z ahulnaeŭrapiejskimi intaresami”, - padkreśliła Kamisar.
Pieršym krokam na šlachu refarmavańnia pavinna stać pieraŭtvareńnie Hrupy eŭrapiejskich rehulatarnych instytutaŭ u efektyŭnuju intehravanuju systemu niezaležnych rehulataraŭ. Na dumku Vivjen Redzinh i Raberta Vioły, Hrupa pavinna stać “federalnaj systemaj” nacyjanalnych rehulatarnych instytutaŭ. Mahčymaj madellu struktury moža pasłužyć Eŭrapiejskaja systema centralnych bankaŭ.
Eŭrapiejskaja systema niezaležnych rehulataraŭ stvoryć umovy dla harmanizacyi rehulatarnych ramak dziaržavaŭ-členaŭ EZ i dla bolš intensyŭnaj intehracyi nacyjanalnych rynkaŭ elektronnych kamunikacyjaŭ. Siarod asnoŭnych pryncypaŭ pracy struktury nazyvajucca maksymalnaja niebiurakratyčnaść, aperatyŭnaść, efektyŭnaść i paśladoŭnaść. Hrupa budzie rehularna kansultavać Eŭrapiejskuju Kamisiju pa techničnych pytańniach rehulavańnia.
Kamisar Redzinh pavitała prahres, što ažyćciaviła Hrupa dla palapšeńnia kaardynacyi dziejnaści nacyjanalnych rehulatarnych instytutaŭ, a taksama zasnavańnie pastajannaha sakrataryjatu struktury v Bruseli.
U lipieni Kamisija pradstavić Eŭrapiejskamu Parlamentu i Radzie EZ zakanadaŭčyja prapanovy, nakiravanyja na pavyšeńnie ŭzroŭniu kankurencyi ŭ sfery elektronnych kamunikacyjaŭ i stvareńnie realnaha eŭrapiejskaha ŭnutranaha rynku ŭ hetym sektary.
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?2
Kamientary