Viečaram 20 sakavika sudździa suda Maskoŭskaha rajona Minska Jaŭhien Chatkievič paćvierdziŭ rašeńnie hetaha ž suda, ale inšaha sudździ pra nieabchodnaść užyvańnia mier biaśpieki i lačeńnia da Alaksandra Krutoha, baćki paciarpiełaj padčas terakta ŭ minskim mietro Iniesy Krutoj. Pavodle rašeńnia suda Krutoj zastajecca pad vartaj.
20 sakavika ludzi, jakija pryjšli na sud padtrymać siamju Krutych, u tym liku ich svajačka, sutyknulisia z prablemami. Ich sprabavali nie dapuścić nie toje što ŭ zału pasiadžeńniaŭ suda, a navat u budynak suda.
Pryhavor suda pisaŭsia kala dźviuch hadzin, raskazała BiełaPAN dačka padsudnaha Iniesa Krutaja, sudździa Chatkievič čytaŭ jaho tak, što praktyčna ničoha nie było čuvać.
Paśla takoha rašeńnia suda Iniesa Krutaja dla abarony svajho baćki maje namier źviartacca ŭ mižnarodnyja arhanizacyi.
Sudovy razbor adbyvajecca biez Krutoha i, jak i ŭ pieršy raz, u zakrytym režymie. Sudździa Jaŭhien Chatkievič zadavoliŭ chadajnictva ab hetym dziaržabvinavaŭcy Vańkoviča i paciarpiełaj — hałoŭnaha ŭrača palikliniki № 32 Valanciny Čupik. Paciarpiełaja zajaviła, što zakryć praces nieabchodna z metaj praduchileńnia vydavańnia źviestak, jakija ŭščamlajuć jaje hodnaść.
Nahadajem, sprava była znoŭ nakiravanaja ŭ rajonny sud Minskim haradskim sudom paśla razhladu 10 lutaha kasacyjnaj skarhi na pryhavor, vyniesieny 6 śniežnia. Minharsud admoviŭ u vyzvaleńni Krutoha
20 vieraśnia Alaksandr Krutoj, jaki aktyŭna vystupaŭ na pracesie pa terakcie, byŭ zatrymany milicyjaj u Minsku. 22 vieraśnia Alaksandr Fiedarcoŭ, jaki byŭ staršynioj na pracesie, častkova začytaŭ pastanovu ab jaho zatrymańni. U joj skazana, što Krutoj «17 žniŭnia, znachodziačysia ŭ kabiniecie adnoj ź miedycynskich ustanoŭ Minska, naŭmysna ŭčyniŭ chulihanskija dziejańni z asablivym cynizmam i hrebavańniem normami marali». Heta vyjaviłasia ŭ tym, što jon vyliŭ źmieściva dvuch słoikaŭ — vadkaść z pacham mačy — na hałoŭnaha ŭrača. Pavodle nakiravańnia prakurora Krutoj byŭ adpraŭleny ŭ RNPC psichičnaha zdaroŭja. Ekśpiertyza pryznała ŭ jaho stan poŭnaj adsutnaści pamiaci.
6 śniežnia sud Maskoŭskaha rajona pastanaviŭ prymianić da Alaksandra Krutoha prymusovyja miery biaśpieki i lačeńnia. Paśla RNPC jon znachodziŭsia ŭ žodzinskaj turmie, zatym byŭ pieraviedzieny ŭ SIZA № 1.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu24
Kamientary