Prezydent Biełarusi ŭdastojeny ŭznaharody «Zorka ordena Archanhieła Michaiła»
Heta najvyšejšaja ŭznaharoda Narodnaha ŭznaharodnaha kamitetu Rasiei, jaki ažyćciaŭlaje svaju dziejnaść pa błasłavieńni Patryjarcha Maskoŭskaha.
Prezident Biełarusi Alaksandr Łukašenka ŭdastojeny «Zorki ordena Archanhieła Michaiła». Heta vyšejšaja ŭznaharoda Narodnaha ŭznaharodnaha kamiteta Rasii, jaki ažyćciaŭlaje svaju dziejnaść pa błahasłavieńniu Patryjarcha Maskoŭskaha i ŭsiaje Rusi Alaksija II. Uračystaja cyrymonija pieradačy ŭznaharody adbyłasia siońnia ŭ pasolstvie Biełarusi ŭ Rasii.
Jak adznačyŭ na cyrymonii Nadzvyčajny i Paŭnamocny Pasoł našaj krainy ŭ RF Vasil Dałhaloŭ, vialikaja rabota, praviedzienaja Narodnym uznaharodnym kamitetam pa adradžeńniu śviatych kaštoŭnaściej pravasłaŭja ŭ krainach uschodnie‑chryścijanskich tradycyj, umacavańniu duchoŭnaha adzinstva, miru i zhody pamiž adnaviernymi narodami, zasłuhoŭvaje samaj ščyraj pavahi. U Biełarusi šyrokaje adabreńnie atrymała dziejnaść arhanizacyi pa adradžeńniu chryścijanskich kaštoŭnaściej, umacavańniu miru i zhody. «Pierakany, što mienavita duchoŭny pačatak dapamahaje biełarusam i rasijanam znachodzić darohu adzin da adnaho, budavać Sajuznuju dziaržavu, zachoŭvać adzinstva viery i viečnuju družbu braterskich słavianskich narodaŭ», — skazaŭ dypłamat.
U adpaviednaści z pałažeńniem «Zorka ordena Archanhieła Michaiła» prysudžajecca kiraŭnikam dziaržaŭ, uradaŭ i parłamientaŭ, pradstajacielam pravasłaŭnych cerkvaŭ i inšych kanfiesij, viadomym hramadskim i palityčnym dziejačam, kiraŭnikam bujnych karparacyj, arhanizacyj i ruchaŭ. Hetaj uznaharodaj adznačajecca dziejnaść, nakiravanaja na duchoŭnaje adradžeńnie i prymnažeńnie nacyjanalnaj kultury, umacavańnie ekanamičnych i palityčnych suviaziej dziaržaŭ, zaćviardžeńnie vysokich norm duchoŭnaj i ahulnačałaviečaj marali, zachavańnie kulturnaj i duchoŭnaj spadčyny, umacavańnie miru, družby i supracoŭnictva pamiž narodami, adnaŭleńnie, adbudovu i budaŭnictva abjektaŭ duchoŭnaha, kulturnaha i sacyjalnaha značeńnia.
Raniej hetym ordenam byli ŭznaharodžany Patryjarch Maskoŭski i ŭsiaje Rusi Alaksij II, prezident Rasii Uładzimir Pucin, Partryjaršy Ekzarch usiaje Biełarusi Fiłaret, Najśviaciejšy Pavieł — Patryjarch Sierbski, Najśviaciejšy Maksim — Patryjarch Bałharski, Vysokapraaśviaščenny Łaŭr — Pieršaijerarch Ruskaj zamiežnaj carkvy, a taksama viadomyja hramadskija i palityčnyja dziejačy. ‑
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kamientary