Гэта найвышэйшая ўзнагарода Народнага ўзнагароднага камітэту Расеі, які ажыццяўляе сваю дзейнасьць па блаславеньні Патрыярха Маскоўскага.
Прэзідэнт Беларусі Аляксандр Лукашэнка ўдастоены «Зоркі ордэна Архангела Міхаіла». Гэта вышэйшая ўзнагарода Народнага ўзнагароднага камітэта Расіі, які ажыццяўляе сваю дзейнасць па благаславенню Патрыярха Маскоўскага і ўсяе Русі Аляксія ІІ. Урачыстая цырымонія перадачы ўзнагароды адбылася сёння ў пасольстве Беларусі ў Расіі.
Як адзначыў на цырымоніі Надзвычайны і Паўнамоцны Пасол нашай краіны ў РФ Васіль Далгалёў, вялікая работа, праведзеная Народным узнагародным камітэтам па адраджэнню святых каштоўнасцей праваслаўя ў краінах усходне‑хрысціянскіх традыцый, умацаванню духоўнага адзінства, міру і згоды паміж аднавернымі народамі, заслугоўвае самай шчырай павагі. У Беларусі шырокае адабрэнне атрымала дзейнасць арганізацыі па адраджэнню хрысціянскіх каштоўнасцей, умацаванню міру і згоды. «Пераканы, што менавіта духоўны пачатак дапамагае беларусам і расіянам знаходзіць дарогу адзін да аднаго, будаваць Саюзную дзяржаву, захоўваць адзінства веры і вечную дружбу братэрскіх славянскіх народаў», — сказаў дыпламат.
У адпаведнасці з палажэннем «Зорка ордэна Архангела Міхаіла» прысуджаецца кіраўнікам дзяржаў, урадаў і парламентаў, прадстаяцелям праваслаўных цэркваў і іншых канфесій, вядомым грамадскім і палітычным дзеячам, кіраўнікам буйных карпарацый, арганізацый і рухаў. Гэтай узнагародай адзначаецца дзейнасць, накіраваная на духоўнае адраджэнне і прымнажэнне нацыянальнай культуры, умацаванне эканамічных і палітычных сувязей дзяржаў, зацвярджэнне высокіх норм духоўнай і агульначалавечай маралі, захаванне культурнай і духоўнай спадчыны, умацаванне міру, дружбы і супрацоўніцтва паміж народамі, аднаўленне, адбудову і будаўніцтва аб’ектаў духоўнага, культурнага і сацыяльнага значэння.
Раней гэтым ордэнам былі ўзнагароджаны Патрыярх Маскоўскі і ўсяе Русі Аляксій ІІ, прэзідэнт Расіі Уладзімір Пуцін, Партрыяршы Экзарх усяе Беларусі Філарэт, Найсвяцейшы Павел — Патрыярх Сербскі, Найсвяцейшы Максім — Патрыярх Балгарскі, Высокапраасвяшчэнны Лаўр — Першаіерарх Рускай замежнай царквы, а таксама вядомыя грамадскія і палітычныя дзеячы. ‑
Каментары