U Miensku prajšoŭ seminar «Vyvučeńnie mahčymaściaŭ Biełarusi ŭ ramkach Eŭrapiejskaj stratehii susiedztva».
U Miensku prajšoŭ seminar «Vyvučeńnie mahčymaściaŭ Biełarusi ŭ ramkach Eŭrapiejskaj stratehii susiedztva». Staršynstvali ŭ im vice‑śpikier Pałaty pradstaŭnikoŭ Siarhiej Zabałociec i kiraŭnička pracoŭnaj hrupy Parlamenckaj asamblei ABSE pa Biełarusi Uta Capf.
Sama sp. Capf nastupnym čynam prakamentavała metu sustrečy: «Heta moža aznačać pačatak dyjalohu pamiž usimi hramadzkimi siłami ŭ Biełarusi i eŭrapiejcami».
Na seminar byli zaprošanyja kala 20 pradstaŭnikoŭ aficyjnaj ułady. Demakratyčnaja ž hramadzkaść u svaju čarhu nia nadta pazytyŭna pastaviłasia da seminaru. Admovilisia ŭdzielničać u seminary były palitviazień Michaił Marynič, a taksama adzin ź lideraŭ pradprymalnickaha ruchu Anatol Šumčanka. Marynič učora zajaviŭ: «Ja kateharyčna admoviŭsia ad udziełu ŭ hetaj sustrečy. Tamu što ŭ toj momant, kali aryštoŭvajuć ludziej, ‑‑ heta biessensoŭna i amaralna. Nivodny z zaprošanych pradstaŭnikoŭ demakratyčnaha bloku nia byŭ zajaŭleny ŭ vystupach, choć pradstaŭnikam ułady słova budzie dadziena. Atrymlivajecca, što nas kličuć na heta mierapryjemstva jak statystaŭ».
Staršynia Biełaruskaj asacyjacyi žurnalistaŭ Žanna Litvina hetak prakamentavała ŭdzieł u seminary, što prajšoŭ u Nacyjanalnaj biblijatecy karespandentam radyjo «Svaboda»: «Ja ŭdzielničała dla taho, kab danieści svaju pazycyju. Kab pierad pradstaŭnikami eŭrapiejskich instytucyjaŭ nie hučała tolki adna pazycyja. Pradstaŭniki biełaruskaj hramadzianskaj supolnaści pavinny byli być na seminary. Kab nie dazvolić adkryta chłusić».
Zaŭtra z ranicy Ŭta Capf maje namier sustrecca z pradstaŭnikami biełaruskaj apazycyi.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary