Pryščepka dziejničaje na praciahu 20 hadoŭ.
Miedyki rekamiendujuć biełarusam pryščapicca ad adzioru pierad pajezdkami na čempijanat Jeŭropy pa futbole, jaki projdzie va Ukrainie i Polščy, abo letnija Alimpijskija hulni ŭ Łondanie. Pra heta zajaviła zahadčyca adździaleńnia imunaprafiłaktyki Respublikanskaha centra hihijeny, epidemijałohii i hramadskaha zdaroŭja Vieranika Šymanovič.
Pavodle jaje słoŭ, vakcyna suprać hetaj infiekcyi ŭ chutkim časie pastupić u miedycynskija ŭstanovy Biełarusi.
Śpiecyjalist rastłumačyła nieabchodnaść pryščepak tym, što
ŭ jeŭrapiejskim rehijonie ŭ apošnija hady rehistrujecca ŭzdym zachvorvańnia na adzior. Asabliva niespryjalnaja situacyja skłałasia va Ukrainie.Niekalki hadoŭ tamu tam paśla vakcynacyi ad adzioru pamior padletak. Choć i było dakazana, što śmierć nie źviazana z vakcynacyjaj, nasielnictva masava stała admaŭlacca ad praviadzieńnia prafiłaktyčnych pryščepak. Jak vynik, sioleta va Ukrainie zarehistravana bolš za 7 tys. vypadkaŭ adzioru, byŭ adzin śmiarotny vypadak.
Jak zaznačyła Šymanovič, u Biełarusi sioleta rehistravalisia tolki adzinkavyja zavaznyja vypadki adzioru, adnak Ministerstva achovy zdaroŭja pryniało rašeńnie dadatkova vakcynavać suprać adzioru moładź 20—29 hadoŭ. Pa vynikach imunałahičnych daśledavańniaŭ, u hetaj uzrostavaj hrupy najbolš słaby imunitet suprać zachvorvańnia.
Namieśnik načalnika adździeła hihijeny, epidemijałohii i prafiłaktyki Ministerstva achovy zdaroŭja Ina Karaban zaznačyła, što kali b u Biełarusi spyniłasia vakcynacyja suprać adzioru, to praz paru hadoŭ štohod fiksavałasia b 40—60 tys. vypadkaŭ chvaroby, ź ich 40—60 — sa śmiarotnym kancom.
Karaban nahadała, što ŭsie achvotnyja mohuć atrymać pryščepku ad adzioru na płatnaj asnovie. Možna pryščeplivacca nie tolki vakcynaj suprać adzioru, ale i vakcynaj, jakaja ŭtrymlivaje try kampanienty — adzior, paratyt, krasnucha.
Pryščepka dziejničaje na praciahu 20 hadoŭ.
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj38
Kamientary