Rajonam Homiela daduć histaryčnyja nazvy
Tapanimičnaja kamisija Homielskaha harvykankama vyznačyłasia z nazvami dla niekalkich novych mikrarajonaŭ.
Prapanavać svaje varyjanty dla nazvy adnaho ź ich, 104-ha, mahli i žychary abłasnoha centra. Siarod varyjantaŭ, jakija pastupili na svojeasablivy konkurs, byli vielmi niezvyčajnyja: Rymskija kanikuły, Kiolnskija źmiarkańni, Viasiołkavaja dalina, Punsovyja vietrazi, Hryn Choł, Pažarny. Adnak kamisija vybrała nazvu Novy Dvor. Raniej na hetym miescy była takaja vioska.
Akramia nazvy 104-ha mikrarajona padčas pracy kamisii było prapanavana, hruntujučysia na histaryčnych faktach, mikrarajony 11, 12, 13, 14 abjadnać nazvaj Vołatava, paviedamlajuć «Homielskija viedamaści». Mikrarajony 16, 17, 18, 19 uklučyć u tradycyjnuju nazvu Mielnikaŭ łuh, mikrarajony 20, 20a, 21 uklučyć u nazvu Klankoŭski, mikrarajonam 94 i 96 prysvoić nazvu Chutar, mikrarajonu 59 prysvoić histaryčnuju nazvu Šviedskaja horka.
Kančatkova nazvy mikrarajonaŭ majuć zaćvierdzić deputaty Homielskaha haradskoha savieta.
Kamientary