U dačynieńni da Tałačynskaha kansiervavaha zavoda pačaŭsia administracyjny praces.
Za škodu ekasistemie jamu pahražaje štraf, paviedamlaje STV. Prablema ŭtylizacyi adkidaŭ kruchmalnaha zavoda pieratvaryłasia ŭ ekałahičnuju prablemu rehijona. Pavodle padlikaŭ ekołahaŭ, zahinuła kala 11 tysiač nasielnikaŭ raki: płotka, akuń, ščupak. Ekałahičnaja škoda aceńvajecca ŭ 700 miljonaŭ rubloŭ. Pakazčyk zabrudžvańnia ŭ race ŭ 8,5 razoŭ pieravysiŭ normu. Uzrovień kisłarodu źniziŭsia da 2%, a dla žyćcia račnoj faŭny treba minimum 6%.
«Skid niesankcyjanavany, tamu što jon adbyvaŭsia nie z technałahičnych adtulin ačyščalnych zbudavańniaŭ, a z adtulin u nižniaj častcy čekaŭ, što pryviało da bijałahičnaha zabrudžvańnia vady.
Abstalavańnie kruchmalnaha cecha patrabavała zamieny jašče 20 hadoŭ tamu, adnak uvieś hety čas funkcyjanuje, bolš za toje, ciapier zavod kruhłasutačna pierapracoŭvaje niekandycyjnuju bulbu z usioj vobłaści. Sastarełyja sistemy ačystki pry takich mahutnaściach, imavierna, nie spraŭlajucca.
Z vynikami pravierki pradpryjemstva hatovaje paspračacca ŭ sudzie. Atrucić rybu, na dumku dyrektara, mahło i ŽKH, čyje staryja kalektary znachodziacca na dnie voziera. A kruchmalny cech u byłyja časy źlivaŭ u raku i pabolš ściokavych vod», — skazaŭ načalnik Tałačynskaj rajonnaj inśpiekcyi pryrodnych resursaŭ i achovy navakolnaha asiarodździa Pavieł Kryviecki.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary