Vuličnyja pratesty pryraŭniali da zabojstva

Jak i pradkazvali pravaabaroncy, niahledziačy na amnistyju, palitviaźni zastanucca ŭ turmach. Prapanavany deputatam varyjant praviadzieńnia amnistyi demanstratyŭna karny ŭ dačynieńni da asobaŭ, asudžanych pa tak zvanych «palityčnych spravach».

Takoje adčuvańnie, što jon pisaŭsia z ulikam piersanalij i kankretnych artykułaŭ KK, pa jakich vynosilisia prysudy na «palityčnych» pracesach. Navat žurnalist Andrej Pačobut, asudžany zakrytym sudom pa artykule «Paklop u dačynieńni da prezidenta RB», pad amnistyju nie trapić. Choć jon, mabyć, adziny ŭ krainie asudžany pa hetym artykule, tym nie mienš hety artykuł uklučyli ŭ raździeł «Amnistyja nie raspaŭsiudžvajecca…»

Voś vytrymka z supravadžalnaha lista deputatam ministra ŭnutranych spravaŭ Ihara Šunieviča.

— da jakich ciaham 2005–2012 hadoŭ prymianialisia amnistyja abo pamiłavańnie i jakija znoŭ učynili naŭmysnyja złačynstvy;

— całkam nie pakryli pryčynienuju złačynstvami škodu abo dachod, atrymany ad niezakonnaj pradprymalnickaj dziejnaści, jaki padlahaje spahnańniu ź ich pa prysudzie;

— jakija złosna parušajuć paradak adbyvańnia pakarańnia;

— jakija dapuścili asabliva niebiaśpiečny recydyŭ;

— asudžanych za złačynstvy, praduhledžanyja artykułam 124 «Terarystyčny akt suprać pradstaŭnika zamiežnaj dziaržavy», častkaj 2 artykuła 139 «Kvalifikavanaje zabojstva», častkaj 3 artykuła 166 «Zhvałtavańnie», častkaj 3 artykuła 167 «Hvałtoŭnyja dziejańni seksualnaha charaktaru», artykułam 285 «Stvareńnie złačynnaj arhanizacyi albo ŭdzieł u joj», artykułam 286 «Bandytyzm», artykułam 289 «Teraryzm», artykułam 2901 «Finansavańnie terarystyčnaj dziejnaści», artykułam 293 «Masavyja biesparadki», artykułam 317–1 «Kiravańnie transpartnym srodkam asobaj, jakaja znachodzicca ŭ stanie ałkaholnaha apjanieńnia», artykułam 342 «Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich», artykułam 343–1 «Vyrab i raspaŭsiudžvańnie parnahrafičnych materyjałaŭ abo pradmietaŭ parnahrafičnaha charaktaru z vyjavaj niepaŭnahadovaha», artykułami 356–362 (złačynstvy suprać dziaržavy, zabojstva supracoŭnika orhanaŭ unutranych spravaŭ), 367 «Paklop u dačynieńni da prezidenta», 3693 «Parušeńnie paradku arhanizacyi abo praviadzieńnia masavych mierapryjemstvaŭ».

— abjaŭlenych u vyšuk u suviazi z uchileńniem ad adbyvańnia pakarańnia pa prysudzie na dzień razhladu materyjałaŭ ab prymianieńni amnistyi.

Pavodle papiarednich raźlikaŭ MUS, pa amnistyi z papraŭčych ustanovaŭ zakrytaha typu miarkujecca vyzvalić kala 2180 čałaviek i z papraŭčych ustanovaŭ adkrytaha typu — kala 700 čałaviek.

• 0
• 0
• 0
• 0
• 0
• 0
• 0
• 0