Aficyjna: Suprać žurnalista raspačata kryminalnaja sprava za paklop u adnosinach da prezidenta Biełarusi.
Upraŭleńniem Śledčaha kamiteta pa Hrodzienskaj vobłaści pa materyjałach pravierki UKDB pa Hrodzienskaj vobłaści raspačata kryminalnaja sprava ŭ dačynieńni da Andreja Pačobuta pa prykmietach złačynstva, praduhledžanaha č.2 art.367 (paklop u adnosinach da prezidenta Respubliki Biełaruś) KK Respubliki Biełaruś, paviedamili BiełTA u adździele infarmacyi i suviazi z hramadskaściu Śledčaha kamiteta Biełarusi.
«Z materyjałaŭ pravierki vynikaje, što ŭ šerahu publikacyj, padrychtavanych A. Pačobutam i raspaŭsiudžanych z dapamohaj infarmacyjnych resursaŭ sietki Internet, utrymlivalisia paklopnickija vykazvańni ŭ adnosinach da prezidenta Respubliki Biełaruś», — rastłumačyli ŭ SK.
Tam dadali, što ŭ ramkach pravierki byli pryznačanyja i praviedzienyja linhvistyčnyja ekśpiertyzy. Pavodle zaklučeńnia ekśpiertaŭ u pradstaŭlenych publikacyjach ŭtrymlivajucca słovy, frazy i vyrazy, ŭžyvajecca ŭ adnosinach da Prezidenta Respubliki Biełaruś, jakija adnosiacca da paklopie i dyskredytujuć Respubliku Biełaruś.
«Pa miescy žycharstva A. Pačobuta praviedzieny pieratrus, kanfiskavana kampjuternaja technika». U dačynieńni da padazravanaha abranaja miera strymańnia ŭ vyhladzie źniavoleńnia pad vartu, paviedamlaje BiełTA.
Art. 367. č.2 praduhledžvaje abmiežavańnie voli terminam na piać hadoŭ abo pazbaŭleńnie voli na taki ž termin.
***
Nahadajem, što Andrej Pačobut byŭ aryštavany ŭ čaćvier u svajoj kvatery ŭ Hrodnie. Pavodle papiaredniaj infarmacyi, spravu viadzie śledčy Arsień Nikolski. Pačobuta pavieźli na dopyt, dzie jon admoviŭsia adkazvać na pytańni, paśla čaho jaho zavieźli ŭ haradzienskuju turmu.
***
Hod tamu, 5 lipienia
, zhodna ź jakim Pačobut byŭ apraŭdany pa č. 1 art. 368 KK (abraza prezidenta Biełarusi), ale pryznany vinavatym pa častcy 1 artykuła 367 KK (paklop na prezidenta).
Hladzi taksama: Aksana Pačobut: Andrej pradčuvaŭ, što jaho pasadziać.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary