Упраўленнем Следчага камітэта па Гродзенскай вобласці па матэрыялах праверкі УКДБ па Гродзенскай вобласці распачата крымінальная справа ў дачыненні да Андрэя Пачобута па прыкметах злачынства, прадугледжанага ч.2 арт.367 (паклёп у адносінах да прэзідэнта Рэспублікі Беларусь) КК Рэспублікі Беларусь, паведамілі БелТА у аддзеле інфармацыі і сувязі з грамадскасцю Следчага камітэта Беларусі.
«З матэрыялаў праверкі вынікае, што ў шэрагу публікацый, падрыхтаваных А. Пачобутам і распаўсюджаных з дапамогай інфармацыйных рэсурсаў сеткі Інтэрнэт, утрымліваліся паклёпніцкія выказванні ў адносінах да прэзідэнта Рэспублікі Беларусь», — растлумачылі ў СК.
Там дадалі, што ў рамках праверкі былі прызначаныя і праведзеныя лінгвістычныя экспертызы. Паводле заключэння экспертаў у прадстаўленых публікацыях ўтрымліваюцца словы, фразы і выразы, ўжываецца ў адносінах да Прэзідэнта Рэспублікі Беларусь, якія адносяцца да паклёпе і дыскрэдытуюць Рэспубліку Беларусь.
«Па месцы жыхарства А. Пачобута праведзены ператрус, канфіскавана камп’ютэрная тэхніка». У дачыненні да падазраванага абраная мера стрымання ў выглядзе зняволення пад варту, паведамляе БелТА.
Арт. 367. ч.2 прадугледжвае абмежаванне волі тэрмінам на пяць гадоў або пазбаўленне волі на такі ж тэрмін.
***
Нагадаем, што Андрэй Пачобут быў арыштаваны ў чацвер у сваёй кватэры ў Гродне. Паводле папярэдняй інфармацыі, справу вядзе следчы Арсень Нікольскі. Пачобута павезлі на допыт, дзе ён адмовіўся адказваць на пытанні, пасля чаго яго завезлі ў гарадзенскую турму.
***
Год таму, 5 ліпеня
, згодна з якім Пачобут быў апраўданы па ч. 1 арт. 368 КК (абраза прэзідэнта Беларусі), але прызнаны вінаватым па частцы 1 артыкула 367 КК (паклёп на прэзідэнта).
Глядзі таксама: Аксана Пачобут: Андрэй прадчуваў, што яго пасадзяць.
