Kaardynatar hramadzianskaj kampanii «Za spraviadlivyja vybary» Viktar Karniajenka i namieśnik staršyni Biełaruskaj partyi levych «Spraviadlivy śviet» Valeryj Uchnaloŭ vyklučany z bazy danych asob, vyjezd jakim ź Biełarusi časova abmiežavany,paviedamiŭ sam Karniajenka.
Pavodle jaho słoŭ, 18 lipienia sud Centralnaha rajona Minska pavinien byŭ razhledzieć jaho isk i isk Uchnalova ab uklučeńni ich u bazu nievyjaznych. «Adnak pasiadžeńnie, možna skazać, nie adbyłosia. U sud pryjšli supracoŭniki MUS, jakija paviedamili, što byŭ niejki techničny zboj.
Ciapier hety zboj likvidavany, nam vydali daviedki, što my vyklučany sa „śpisa nievyjaznych“, i zajavili, što ciapier nas u śpisach niama.Na padstavie hetaha sudździa admoviła ŭ razhladzie isku, bo niama pradmieta isku, a za „techničny zboj“ da adkaznaści pryciahnuć niemahčyma», — skazaŭ Karniajenka.
«U sudzie było bačna, što nichto, pa vialikim rachunku, nie choča vykonvać absurdnyja zahady ŭłady, a potym za heta adkazvać. Usie viedajuć i razumiejuć, čamu było pryniata rašeńnie nas nie vypuskać. Ale ŭ Biełarusi, mabyć, stvorana śpiecyjalnaja słužba drobnych paskudnikaŭ, jakija prosta abciažarvajuć žyćcio apanientaŭ ułady», — zajaviŭ palityk.
11 sakavika Viktaru Karniajenku nie dazvolili vyjechać u Vilniu (Litva) na rabočuju sustreču cieraz pamiežny pierachod «Kamienny Łoh». 12 lipienia jon nie zmoh vylecieć u Vienu dla ŭdziełu ŭ dadatkovaj naradzie pa čałaviečym vymiareńni ABSIE, na jakim u liku inšych abmiarkoŭvałasia tema parłamienckich vybaraŭ u Biełarusi. Jon atrymaŭ aficyjnaje zaprašeńnie na ŭdzieł u hetaj naradzie, i jamu byŭ zamoŭleny bilet, adnak u nacyjanalnym aeraporcie Minsk pamiežniki pastavili jamu štamp u pašpart ab zabaronie na vyjezd.
Valeryj Uchnaloŭ, byŭ zatrymany biełaruskimi pamiežnikami 21 sakavika na pahranpierachodzie «Kamienny Łoh» pry sprobie pierasiačy
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary