U Maskvie skončyŭ žyćcio samahubstvam 87‑hadovy hienierał. Jon pracavaŭ u instytutach, dzie rabili «Navičok»
U Maskvie ŭ kvatery ŭ prestyžnym Domie na nabiarežnaj svajaki ranicaj 4 maja znajšli miortvym 87‑hadovaha hienierał-pałkoŭnika Stanisłava Piatrova, jaki zrabiŭ vajskovuju karjeru jašče ŭ savieckija časy. Chutčej za ŭsio, havorka idzie pra samahubstva, piša «Moskovskij komsomolec».
Cieła Piatrova znajšli na kuchni siadziačym na kreśle. Pobač ź im lažaŭ pistalet. Viadoma, što ŭ apošnija hady hienierał ciažka chvareŭ.
Stanisłaŭ Piatroŭ ličyŭsia adnym z zasnavalnikaŭ vojskaŭ chimičnaj abarony ŭ SSSR i słužyŭ u hetaj sistemie z kanca 1950‑ch hadoŭ. Taksama jon udzielničaŭ u likvidacyi nastupstvaŭ avaryi na Čarnobylskaj AES.
U apošnija hady isnavańnia SSSR jon zajmaŭ pasadu kamandujučaha vojskaŭ chimabarony SSSR, a paśla raspadu Sajuza staŭ pieršym kiraŭnikom vojskaŭ radyjacyjnaj, chimičnaj i bijałahičnaj abarony Rasii. Paźniej praciahvaŭ pracu ŭ vajskovych navukovych ustanovach i zajmaŭsia redakcyjnaj dziejnaściu ŭ śpiecyjalizavanym časopisie.
Siarod inšaha Piatroŭ pracavaŭ hałoŭnym navukovym supracoŭnikam 27‑ha navukovaha centra imia Zialinskaha Ministerstva abarony Rasii. U aficyjnych bijahrafijach nie paznačajecca dakładny pieryjad jaho pracy na hetaj pasadzie, adnak u źlitych danych śćviardžajecca, što jon moh pracavać u hetym centry ŭ roznyja pieryjady z 2005 pa 2011 hod i z 2014 hoda jak minimum da siaredziny 2025 hoda. Taksama adznačajecca, što ŭ 2011—2013 hadach jon nibyta pracavaŭ u Centralnym navukova-daśledčym vyprabavalnym instytucie Minabarony (33 CNDVI).
Jak paviedamlaje vydańnie «Ahienctva», hetyja dźvie navukovyja struktury ŭ minułym byli źviazanyja z raspracoŭkami ŭ halinie chimičnaj zbroi i daśledavańniami atrutnych rečyvaŭ, u tym liku i sumnaviadomaha «Navička». U pryvatnaści, ich u roznych publikacyjach źviazvajuć z rasśledavańniami palityčnych atručvańniaŭ u Jeŭropie i Rasii (u tym liku Skrypaloŭ i Navalnaha).
Na fonie ŭkrainskich pavietranych atak Pucin pamianiaŭ kamandujučaha Pavietrana-kaśmičnymi siłami
Pucin baicca zamachu i pieravarotu, pamiž siłavikami narastaje baraćba — raźviedka
Hienierał HRU, jaki kuryruje dyviersii za miažoj i jakoha pamyłkova pachavali, uspłyŭ u Hviniei
U Chabaraŭskim krai adbyŭsia zamach na hienierała, jaki kamandavaŭ raźnioju ŭ Bučy
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary