Projdzie 4 žniŭnia.
Jak i papiarednimi hadami, sioleta ŭ horadzie Saŭt-Ryviery (Ńju-Džersi, ZŠA) u nievialikim parku pry Biełaruska-Amierykanskim Centry i carkvie sv. Jeŭfrasińni Połackaj adbudziecca ŭ subotu 4-ha žniŭnia hadavy festyval.
U prahramie: biełaruskija narodnyja tancy, pieśni, muzyka, łatareja, nacyjanalnyja stravy.
Asablivaściu sioletniaha śviatkavańnia buduć biełaruskamoŭnyja školniki ź Biełastoka z kancertnaj prahramaj.
Na festyval ŭsie zaprošanyja, ustup volny. Pačatak kala 11-j hadziny.
Fotarepartaž ź fiestyvala ŭ 2011 h.
***
- Saŭt-Ryvier -- horad u centralnaj častcy štata Ńju-Džersi. Biełarusy stali pierasialacca siudy ŭ kancy XIX st., hnanyja ekanamičnym kryzisam z Rasijskaj impieryi. U pačatku XX st. słavianskija vychadcy ź Biełarusi składali ŭ Saŭt-Ryviery da traciny nasielnictva, zasialiŭšy pieravažna paŭdniovuju častku horada. Mienavita emihranty z vakolic Maładziečna i Vilejki pabudavali ŭ S-R. carkvu śviatych Piatra i Paŭła, tady ŭ jurysdykcyi RPC.
- Źbiełarusizavaŭsia Saŭt-Ryvier u pačatku 1950-ch ź pierasialeńniem u jaho niekalkich dziasiatkaŭ biełaruskich emihrantaŭ z łahieroŭ dla pieramieščanych asob u Niamieččynie. Biełarusy zasnavali prychod sv. Jefrasińni Połackaj u jurysdykcyi kanstancinopalskaha patryjarchata, zbudavali carkvu, Biełaruska-amierykanski hramadski centr. U Saŭt-Ryviery dziejničali, i dziejničajuć zaraz, niekalki hramadskich i sacyjalnych arhanizacyj, vydavalisia haziety i časopisy, časopis «Biełaruskaja dumka» -- nie błytać z hihinskim! -- vydajecca i pa siońnia. U rysie horada znachodziacca asobnyja biełaruskija mohiłki.
- Aktyŭnaje biełaruskaje žyćcio praciahvajecca ŭ haradku i pa siońnia. Tak, 25 sakavika 2012 h. u Saŭt-Ryviery adznačyli Dzień Voli, uźniaćciem nacyjanalnaha ściaha kala budynka haradskoha muzieja.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary