«Lapis Trubiackoj» vystupiŭ u padtrymku Dnia salidarnaści pad bieł-čyrvona-biełym ściaham
Michałok: «Hanhrena tatalitaryzmu zaradziłasia ŭ nas, u Biełarusi».
Padčas vystupu na mižnarodnymrok-feście Kubana (Krasnadarski kraj, Rasija) hurt «Lapis Trubiackoj» padtrymaŭ Dzień salidarnaści z hramadzianskaj supolnaściu Biełarusi, što adznačaŭsia 4 žniŭnia.
Siarhiej Michałok źviarnuŭsia da publiki: «Davajcie nie zabyvać, što hanhrena tatalitaryzmu, jakaja ciapier raspaŭzajecca pa ŭsim byłym Savieckim Sajuzie, zaradziłasia ŭ nas, u Biełarusi.
Toje, što zaraz adbyvajecca ŭ Rasii, va Ukrainie i hetak dalej, spačatku adbyłosia na našaj ziamli.Tamu davajcie pakažam našu padtrymku tym advažnym chłopcam, jakija nie prosta małociać jazykom, a robiać realnudiu spravu — zmahajucca za svabodu!
4 žniŭnia — dzień salidarnaści z hramadzianskaj supolnaściu Biełarusi. My salidarnyja!».
«Lapis Trubiackoj» z prahramaj «Nie być skotam» byŭ adnym z chedłajnieraŭ piacidzionnaha fiestyvalu, na jakim u hetym hodzie taksama vystupili The Offspring, Korn, Sum 41, Gogol Bordello, «Leninhrad» i mnohija inšyja viadomyja artysty. Suśvietnaja premjera novaj kancertnaj prahramy «Rabkor Live» adbudziecca 29 žniŭnia ŭ Krymie, u ramkach nulavoha dnia fiestyvalu «Džaz Kaktebiel».
Kamientary