«Ляпіс Трубяцкой» выступіў у падтрымку Дня салідарнасці пад бел-чырвона-белым сцягам
Міхалок: «Гангрэна таталітарызму зарадзілася ў нас, у Беларусі».
Падчас выступу на міжнароднымрок-фэсце Kubana (Краснадарскі край, Расія) гурт «Ляпіс Трубяцкой» падтрымаў Дзень салідарнасці з грамадзянскай супольнасцю Беларусі, што адзначаўся 4 жніўня.
Сяргей Міхалок звярнуўся да публікі: «Давайце не забываць, што гангрэна таталітарызму, якая цяпер распаўзаецца па ўсім былым Савецкім Саюзе, зарадзілася ў нас, у Беларусі.
Тое, што зараз адбываецца ў Расіі, ва Украіне і гэтак далей, спачатку адбылося на нашай зямлі.Таму давайце пакажам нашу падтрымку тым адважным хлопцам, якія не проста малоцяць языком, а робяць рэальнудю справу — змагаюцца за свабоду!
4 жніўня — дзень салідарнасці з грамадзянскай супольнасцю Беларусі. Мы салідарныя!».
«Ляпіс Трубяцкой» з праграмай «Не быць скотам» быў адным з хэдлайнераў пяцідзённага фестывалю, на якім у гэтым годзе таксама выступілі The Offspring, Korn, Sum 41, Gogol Bordello, «Ленінград» і многія іншыя вядомыя артысты. Сусветная прэм’ера новай канцэртнай праграмы «Рабкор Live» адбудзецца 29 жніўня ў Крыме, у рамках нулявога дня фестывалю «Джаз Кактэбель».
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары