Padčas navalnicy 20 žniŭnia ŭ Bresckaj vobłaści, jakaja supravadžałasia mocnym vietram paryvami da 25 mietraŭ u siekundu, byli abiastočanyja sotni nasielenych punktaŭ, try čałavieki traŭmavanyja.
Jak paviedamili ŭ abłasnym upraŭleńni MNS, u vioscy Alaksiejevičy Drahičynskaha rajona drevam traŭmavany 17-hadovy miascovy školnik.
Vučań atrymaŭ zakryty pierałom čaćviortaj pluśnievaj kości, udar i siniaki levaha nadplečča.
U vioscy Słabudka Pružanskaha rajona sarvanymi kavałkami šyfieru traŭmiravanyja dvoje viaskoŭcaŭ. U 56-hadovaha mužčyny — adkryty pierałom palca pravaj kiści, u 55-hadovaha — udaranaja rvanaja rana śpiny. Paciarpiełym akazana miedycynskaja dapamoha.
Padčas mocnaj navalnicy byli abiastočanyja 200 nasielenych punktaŭ u vaśmi rajonach vobłaści: Biarozaŭskim, Drahičynskim, Ivanaŭskim, Pinskim, Pružanskim, Kobrynskim, Kamianieckim i Stolinskim.
U 106 nasielenych punktach hetych rehijonaŭ častkova paškodžanyja dachi 66 žyłych damoŭ, 156 sielskahaspadarčych budynkaŭ (ź ich 73 fiermy), šaści vytvorčych pamiaškańniaŭ i dvuch abjektaŭ sackultbytu.
U vioscy Kuraŭščyna Biarozaŭskaha rajona razburany draŭlany budynak zbožžaschovišča kamunalnaha ŭnitarnaha vytvorčaha pradpryjemstva "Biarozarajahraservis".
Pavodle źviestak na 11 ranicy, enierhazabieśpiačeńnie adnoŭlena ŭ 154 nasielenych punktach. Avaryjnyja bryhady praciahvajuć pracu pa likvidacyi nastupstvaŭ stychii.
CVK apublikavaŭ łahatyp prezidenckaj kampanii. I znoŭ łoha CVK padobna da dyviersii5
CVK apublikavaŭ łahatyp prezidenckaj kampanii. I znoŭ łoha CVK padobna da dyviersii
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara77
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara7
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
Kamientary