Muziej biełaruskaj dziaržaŭnaści: zahady z Pahoniaj, hieroj Biełarusi Prakapovič i Dobry anioł miru

Jak patrapić u Muziej sučasnaj biełaruskaj dziaržaŭnaści? Praściej prostaha! 10.000 kaštuje ŭvachodny kvitok dla darosłaha, 5 tysiač — dla dziciaci i ŭ 20 tysiač abyjdziecca ekskursijnaje absłuhoŭvańnie na ŭsiu hrupu. Plus hałaŭny bol u vyhladzie daviedki z ukazańniem numara pašparta, adrasa prapiski i inšych asabistych dadzienych kožnaha naviednika, a potym trochdzionnaja pravierka ŭsiaho hetaha dabra ŭ słužbie biaśpieki prezidenta. I ŭsio — možna iści ŭ muziej!

Uvodnaja zała. Jak vyhladaje «nacyjanałka» u «razumnym śviatle»

— Sami bačycie, pracedura praniknieńnia ŭ naš muziej dosyć składanaja, ale mahčymaja.

Pravodziŭ ekskursiju rabotnik muzieja Siarhiej Sakovič. Jak raspavioŭ małady čałaviek, my ŭ hetych załach ŭžo daloka nie pieršyja. Jon sam prezidenckuju ekskursiju nie vadziŭ, zatoje kitajskaj delehacyi pra sučasnuju biełaruskuju dziaržaŭnaść raspavioŭ.

Siarhiej Sakovič, z ipad-am u rukach, pravodzić nas va ŭvodnuju zału, jakaja musić «padrychtavać da asnoŭnaj ekspazicyi».

— Tut pradstaŭlenyja 10 makietaŭ architekturnych pomnikaŭ, siarod jakich jak budynki, uźviedzienyja ŭ pieryjad niezaležnaści, tak i rekanstrujavanyja pomniki architektury.

Siarod pomnikaŭ, našaha času, viadoma, centralnaje miesca advodzicca Nacyjanalnaj biblijatecy, nie abydzieny ŭvahaj i kompleks «Minsk-Arena».

Va ŭvodnaj zale my vyjavili i hierby biełaruskich haradoŭ.

Pieršaja zała: z čaho pačynajecca radzima…

Z ŭstupnaj zały ŭzdymajemsia na vośmy pavierch. Pieršaja paŭnavartasnaja muziejnaja zała «pryśviečanaja stanaŭleńniu sučasnaj biełaruskaj dziaržaŭnaści, a taksama asnoŭnym atrybutam dziaržaŭnaści».

Čaho tut tolki niama! Tut tabie i dekłaracyja «Ab dziaržaŭnym suvierenitecie BSSR», i zakon ab pierajmienavańni BSSR u «Respubliku Biełaruś». Takija atrybuty taho času, jak kartki pakupnikoŭ, tałony i kupony, taksama nie zabytyja.

Hladziš i bačyš za muziejnym škłom śviedčańni taho, što ŭ 1994 hodzie prajšli vybary, bačyš zhodu deputata Alaksandra Łukašenki bałatavacca ŭ prezidenty i pratakoł, ź jakoha zrazumieła, što prezidentam staŭ mienavita jon. Pradstaŭlena i prahrama kandydata ŭ prezidenty Łukašenki.

— A Kiebiča, naprykład, prahrama, nie pradstaŭlena?

— Jak bačycie — niama. Nie dazvalajuć ekspazicyjnyja płoščy pradstavić uvieś materyjał, jaki ŭ nas nazapasiŭsia, — adkazvaje ekskursavod. — U asnoŭnym, my sprabujem pašyryć ekspazicyju z dapamohaj vykarystańnia multymiedyjnych praduktaŭ. U infakijoskach vy možacie pahladzieć roliki ab pačatku 90-ch, pra zabastoŭki, ab pieršych vybarach i pieršych refierendumach. Heta daść bolš poŭnuju karcinu.

Užo paśla ekskursii zahadčyk muzieja Siarhiej Biaspanski zaŭvažyć:

multymiedyjnaj infarmacyi ŭ infakijoskach — na 23 hadziny i jašče 40 chvilin prahladu.

Jašče niekalki krokaŭ, i my kala trybuny, dzie prynosiŭ prysiahu paśla apošnich vybaraŭ Alaksandr Łukašenka.

Eskursovod tłumačyć, što

apošni akt prysiahi biełaruskamu narodu kiraŭnik dziaržavy padpisvaŭ ručkaj «Parkier».

Tut možna ŭbačyć i zahady z hierbami-«Pahoniami», jakija kažuć ab źmienie dziaržaŭnaj simvoliki.

pieršaj Kanstytucyi niama, jość tolki dziejučaja — z papraŭkami.

Na admysłovym stendzie pradstaŭlenyja ŭzory hałoŭnych dziaržaŭnych uznaharod, siarod ich samaja hałoŭnaja — Zorka Hieroja.

U infakijosku možna pahladzieć na fatahrafii dziesiaci hierojaŭ suvierennaj Biełarusi. Siarod ich — eks-kiraŭnik Nacbanka Piotr Prakapovič.

U dvuch krokach ad infakijoska ź bijahrafijaj Prakapoviča — biełaruskija hrašovyja znaki.

Nabor banknot Nacbanka ad «zajčykaŭ» da niadaŭniaj 200000-j kupiury.

Jość u pieršaj zale i vitryna, pryśviečanaja nacyjanalnaj biaśpiecy.

Druhaja zała: «A ŭ nas — vadapravod. Voś «.

Kročym ŭ druhuju zału. Jaje tema — sacyjalna-ekanamičnaje raźvićcio RB. Tut i ŭznaharody, prysvojenyja Nacyjanalnaj akademii navuk, i kamiani, vyhadavanyja biełaruskimi navukoŭcami, «jakija nie tolki zabiaśpiečvajuć patreby biełaruskaj ekanomiki, ale i pastaŭlajucca na ekspart».

Niepadalok — makiet Astravieckaj AES i makiet ahraharadka «Vasiliški».

Zatoje praktyčna na kožnym stendzie — fotazdymak z Alaksandram Łukašenkam. Łukašenka z chlebarobami, z naftavikami, z navukoŭcami, z šachciorami…

Treciaja zała: palčatki Rusłana Saleja

U treciaj zale karonnaje miesca adviedziena roli sportu ŭ žyćci sučasnaj Biełarusi. Što ž u hetaj zale jość akramia rakietki Maksima Mirnaha?

Ź cikavaha: usie try ŭznaharody Hienadzia Karatkieviča, biełaruskaha školnika, jaki try hady zapar stanaviŭsia pieramožcam mižnarodnych alimpijad pa infarmatycy.

Za škłom, pryśviečanym teatralnamu mastactvu i kiniematohrafu — sukienki hałoŭnych hieraiń z baleta «Žarści» i opiery «Karmen» Nacyjanalnaha akademičnaha teatra opiery i baleta.

Zusim blizka — makiet amfiteatra ŭ Viciebsku. Jość tut i žurnalisckija ŭznaharody konkursaŭ «Załatoje piaro», «Załataja litara» i «Televiaršynia».

Čaćviortaja zała: «Miecenat stahodździa» i «Dobry anioł miru»

U čaćviortaj zale, za vyklučeńniem kutka, pryśviečanaha asnoŭnym relihijnym kanfiesijam krainy i narodnaha stroja ź biełaruskimi ručnikami, ekspanujucca, u asnoŭnym, padarunki.

Padarunki, jakija z 1994-ha hoda paśpieli ŭručyć biełaruskamu kiraŭniku.

Voś prezident Vieniesueły Uha Čavies uručaje Alaksandru Łukašenku Vialiki łancuh Ordena vyzvaliciela, a voś — Łancuh ordena Rycaraŭ Truny Haspodniaj ad patryjarcha jerusalimskaha, a voś uznaharody «Miecenat stahodździa» i «Dobry anioł miru» ad rasijskaj arhanizacyi «Miecenaty stahodździa» …

Pierahladać prezidenckija prezienty možna vielmi doŭha, adnak čas zakruhlacca i žurnalistaŭ pryvodziać u kanfierenc-zału.

U našpihavanym elektronnymi dzivosami muziei jość i kniha vodhukaŭ — zusim nie papiarovaja. Pieršy zapis pakinuŭ kiraŭnik dziaržavy. Adzin ź pieršych zastaŭsia i paśla taho, jak muziej naviedała delehacyja z savieta respubliki nacyjanalnaha schodu. Ad delehacyi — podpis staršyni savieta Anatola Rubinava.

Z muziejščykami ščyra: zarobki maleńkija, ale praca nie sumnaja

Rabotniki novaha muzieja raskazvajuć ab ekspazicyi z hodnaściu. Kažuć, rychtavali jaje ni mnoha ni mała — 2,5 hoda. Usie ekspanaty lubimyja i pavažanyja: i vystaŭlenyja, i tyja, što ŭ fondach (600 štuk suprać 4 tysiač).

— Składanaja praca, žyły rvalisia. Pracavali z 8 ranicy da 12-j nočy, ale zrabili, — raspaviadaje kiraŭnik muzieja Siarhiej Biaspanski.

Raspytali my ŭ rabotnikaŭ ab tym, ci nie płanujuć jany pierajezd. Usio ž taki režymny budynak Administracyi składana nazvać prydatnym dla masavych ekskursij.

— Ja nie skažu za vialikaje načalstva, ale my svaju pracu zrabili: dali nam 5 załaŭ, my ich muzifikavali. Mahčyma, budzie raźvićcio ŭ asobnych muziejach. Pytańnie režymnaści hetaha abjekta nichto nie admienić, tamu što roznyja ludzi jość… Bo navat i ŭ najlepšych muziejach śvietu muziejnyja kaštoŭnaści pakutujuć. Kali budzie svoj budynak — budzie našmat praściej — luby čałaviek pahladzieŭ i pajšoŭ. A pakul vychodzić, što my filijał Nacyjanalna-histaryčnaha muzieja, a mieścimsia ŭ Administracyi prezidenta.

Ja, choć i zahadčyk muzieja, nie adkazvaju za toje, što tut adbyvajecca.

Što tyčycca multymiedyjnaj načyńnia, Siarhiej Biaspanski nie śpiašajecca nazyvać jaho supiersučasnym. Maŭlaŭ, u jeŭrapiejskich muziejach i nie toje pakazvajuć.

— Ciapier prahres vielmi chutka idzie.

Siońnia my havorym, što zrabili muziej XXI stahodździa, a zaŭtra vyjavicca, što jon užo sastareŭ.

— Vam cikava tut pracavać? — pytajem u zahadčyka muziejem.

— Kali braŭsia, dumaŭ, što budzie aficyjna i niecikava. Ale ŭ pracesie pracy sutyknuŭsia z mnohim i zrazumieŭ, što jość narod, jość dziaržava i jość rečy, jakija možna hodna pakazać.

Treba skazać, što štat u novaha muzieja — prafiesijny.

Mohuć vieści ekskursii na troch movach: biełaruskaj, rasiejskaj i anhlijskaj.

Ale kali pytańni žurnalistaŭ datyčacca zarobka, muziejščyki kažuć:

— Praca naša pavinna apłačvacca značna lepš. Kolki dakładna — prybiralščycy ŭ mietro atrymlivajuć bolš.

My ad dušy padziakavali supracoŭnikam muzieja, pažadali dobraj, spakojnaj pracy i zaśpiašalisia ŭ redakcyju. Darečy, tak i nie ŭbačyŭšy apošnich dvuch hadoŭ z historyi sučasnaj Biełarusi.

Usio, što zdaryłasia z krainaj paśla 2010-ha, pakul tolki rychtujecca patrapić pad muziejnaja škło.

• 0
• 0
• 0
• 0
• 0
• 0
• 0
• 0