Jeŭradeputat škaduje, što sankcyi suprać biełaruskaha režymu nie pašyrany. Słovy deputata Jeŭraparłamienta ad Hiermanii (partyja zialonych) Vierniera Šulca pryvodzić radyjostancyja Deutsche Welle.
«Tolki z dapamohaj metanakiravanych ekanamičnych sankcyj suprać asobnych firm i asob, jakija stajać za režymam, ES moža ažyćciaŭlać cisk na samadzieržca Łukašenku», - ličyć jeŭraparłamientaryj.
Pa dadzienych Vierniera Šulca, za pieršaje paŭhodździe 2012 hoda dachody Minska ad ekspartu ŭ ES skłali bolš za 8 miljardaŭ dalaraŭ. «Siardzitymi słovami, jakija vymaŭlajucca na fonie vyhadnych ździełak, niemahčyma prymusić Łukašenku źmianić svaje pohlady. Jany tolki padryvajuć davier da palityki ES», - zajaviŭ palityk.
Nahadajem, Rada ministraŭ ES padoŭžyŭ sankcyi ŭ dačynieńni da Łukašenki i jaho atačeńnia da 31 kastryčnika 2013 hoda. Adpaviednaje rašeńnie pryniata 15 kastryčnika na pasiadžeńni Rady ŭ Luksiemburhu. Ministr zamiežnych spraŭ Uładzimir Makiej zastaŭsia ŭ śpisach nieŭjaznych u ES.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary