Aktyvista niezarehistravanaha moładzievaha ruchu «Zubar» Mikitu Sasima supracoŭniki Baranavickaj milicyi pieravieźli ź mienskaha špitalu ŭ Baranavičy. Mikitu Sasima zatrymali 14 sakavika. U adździele milicyi ŭ jaho pačaŭsia prystup apendycytu, i jaho praaperavali ŭ 9-m kliničnym špitali.
Aktyvista niezarehistravanaha moładzievaha ruchu «Zubar» Mikitu Sasima supracoŭniki Baranavickaj milicyi pieravieźli ź mienskaha špitalu ŭ Baranavičy. Mikitu Sasima zatrymali 14 sakavika. U adździele milicyi ŭ jaho pačaŭsia prystup apendycytu, i jaho praaperavali ŭ 9-m kliničnym špitali.
Ranicaj u pałatu, dzie znachodziŭsia paśla aperacyi Mikita Sasim, uvajšli niekalki čałaviek u čornym. Jany patłumačyli Mikitu, što musiać zabrać jaho ŭ Baranavičy, dzie junak prapisany. Mikita paśpieŭ skazać svajoj siabroŭcy, što, chutčej za ŭsio, śledčyja adnoviać spynienuju kryminalnuju spravu, jakuju raspačali za ŭchileńnie ad słužby ŭ vojsku.
Žurnalistaŭ i paplečnikaŭ Mikity Sasima nie puścili navat u špitalny kalidor.
Siabroŭka Mikity była razam ź im u pałacie. Jana raspaviała, što medyki padzialilisia na dźvie hrupy – adny kateharyčna nastojvali, što chłopiec paśla aperacyi musić być u pałacie, tam bolš, što ŭ jaho jašče nia źniaty švy. A inšyja, siarod jakich było i kiraŭnictva adździaleńnia, kazali, što ničoha strašnaha – maŭlaŭ, u Baranavičach taksama jość medyki. Radyjo Svaboda kamentavać sytuacyju ŭ špitali admovilisia.
Siabroŭka Mikity Sasima Alena Praplaska nazirała, jak milicyjanty zabirali jaho sa špitalu.
(Praplaska: ) «Heta ž treba, kab taki byŭ niebiaśpiečny čałaviek, kab jaho adnaho zabiraŭ ceły aŭtobus AMONu, a potym až z samich Baranavičŭ pryjechała cełaja bryhada daznavalnikaŭ. I ŭsio dziela adnaho chłopca. Adkažycie, ci mocnaja naša ŭłada, kali adzin chłopiec moža być taki niebiaśpiečny? Było vidać, što daktary ŭ pryncypie razumiejuć, što pavodle medyčnych pakazčykaŭ jaho pieravozić nielha. Ale prablema ŭ tym, što jany nie mahli supraciŭlacca».
Milicyjanty paviedamili, što Mikita pakul budzie znachodzicca ŭ Baranavickim špitali. Pryčynaŭ terminovaj dastaŭki chłopca ŭ Baranavičy jany nie nazvali.
Pavodle «Radyjo Svaboda»
Ciapier čytajuć
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ1
Kamientary