Dniami mianie abličyli ŭ supiermarkiecie: vybili mnie ŭ čeku pierac na sumu 35 550 rub., jaki ja nie nabyvała. Pamyłku ja zaŭvažyła tolki na nastupny dzień.Pravieryć ček na kasie adrazu paśla apłaty, jak zvyčajna, nie padumała.
Ź niapeŭnaj nadziejaj dakazać svaju racyju — a čamu mnie pavinny vieryć — rušyła ŭ kramu. Administratarka paviedamiła, što niama toj pradavački, jakaja mianie raźličvała. A vierniecca jana tolki praz dva dni.
Tak što «maja chata z kraju, ničoha ja nie znaju», kaciciesia adsiul sa svaim čekam. Ja paprasiła knihu skarhaŭ.Paśla hetaha žančyna pałahodnieła i pačała raźbiracca ŭ čeku.
Mnie pašancavała: kiłahram piercu kaštavaŭ u kramie 35 550 rubloŭ, i ŭ čeku mnie vybili roŭna stolki ž.Małarealna nabyć pierac takoj etałonnaj vahi. Vyśvietliłasia, što mnie jaho vybili zamiest bahieta za 4 600 rubloŭ. Pamyłka sistemy, jakuju pradavačka nie zaŭvažyła. Roźnicu ŭ 30 tysiač adrazu ž viarnuli. A ja ŭ svaju čarhu nie stała nastojvać na zapisie ŭ knizie skarhaŭ.
Vysnova №1: zaŭsiody praviarajcie ček paśla apłaty!
Vysnova №2: u vypadkach, kali adkaznyja asoby admaŭlajucca raźbiracca, spakojna, ale nastojliva patrabujcie knihu skarhaŭ. Časam dapamahaje.
Što rabić, kali nie ŭdałosia razabracca na miescy?
Juryst Biełaruskaha tavarystva abarony spažyŭcoŭ prapanuje radykalnyja miery. Kali ŭ čeku vybili nie toje, što vy kuplali, možacie pisać zajavu ŭ milicyju. Bo, faktyčna, vas abakrali.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary