Ministerstva pryrodnych resursaŭ i achovy navakolnaha asiarodździa prapanuje pryciahnuć da adkaznaści PUP «Zachad‑transnaftapradukt», jaho kiraŭnikoŭ i inšych słužbovych asob da administracyjnaj adkaznaści za parušeńnie zakanadaŭstva ŭ halinie achovy navakolnaha asiarodździa.
Ministerstva pryrodnych resursaŭ i achovy navakolnaha asiarodździa Biełarusi prapanuje pryciahnuć da adkaznaści PUP «Zachad‑transnaftapradukt», jaho kiraŭnikoŭ i inšych słužbovych asob da administracyjnaj adkaznaści za parušeńnie zakanadaŭstva ŭ halinie achovy navakolnaha asiarodździa. Takoje daručeńnie pryrodaachoŭnaje viedamstva dało Viciebskamu abłasnomu kamitetu pryrodnych resursaŭ i achovy navakolnaha asiarodździa na praviedzienym pasiadžeńni Kamisii pa nadzvyčajnych situacyjach Minpryrody Biełarusi.
Jak paviedamili BIEŁTA u pres‑słužbie ministerstva, abłasnomu kamitetu daručana vydać pradpisańnie kampanii ab raspracoŭcy i ŭzhadnieńni z abłasnym viedamstvam płana mierapryjemstvaŭ pa likvidacyi nastupstvaŭ avaryi ŭ samyja karotkija terminy, a taksama atrymać ad PUP «Zachad‑transnaftapradukt» aficyjnyja danyja ab kolkaści naftapraduktaŭ, skinutych u navakolnaje asiarodździe, a taksama sabranych naftapraduktaŭ. Akramia taho, Viciebski abłasny kamitet praviadzie acenku zabrudžańnia hleby da hłybini 60 sm.
Pavodle infarmacyi pres‑słužby, na miescy avaryi nieabchodna arhanizavać praviadzieńnie łabaratornych daśledavańniaŭ u častcy acenki jakaści pavierchnievych vod, zabrudžańnia atmaśfiernaha pavietra i donnych adkładaŭ, a taksama hruntu na hłybiniu da 5 m i zabrudžańnia padziemnych vod.
Viciebski abłasny kamitet pryrodnych resursaŭ i achovy navakolnaha asiarodździa sumiesna ź Viciebskim abłasnym centram pa hidramietearałohii arhanizavaŭ abśledavańnie rajona avaryi z metaj vyznačeńnia maštabaŭ zabrudžańnia navakolnaha asiarodździa i zabieśpiačeńnia ciesnaha ŭzajemadziejańnia terytaryjalnych orhanaŭ Minpryrody, MNS, Dziaržkammajomaści, Minsielhascharča.
Dla vyvučeńnia i acenki situacyi, arhanizacyi rabot pa papiaredniamu vyznačeńniu maštabaŭ nastupstvaŭ avaryi, raspracoŭcy prahramy łabaratornych daśledavańniaŭ pa acency stanu navakolnaha asiarodździa na miesca avaryi byli nakiravany kiraŭniki i śpiecyjalisty śpiecyjalizavanych inśpiekcyj Minpryrody.
Nahadajem, 5 maja ŭ 8.35 kala vioski Babajedava Biešankovickaha rajona Viciebskaj vobłaści adbyłasia avaryja na praduktapravodzie Unieča — Vientśpiłs, jaki naležyć rasijskamu adkrytamu akcyjaniernamu tavarystvu AK «Transnaftapradukt». Niekatoraja kolkaść dyzielnaha paliva trapiła ŭ mielijaracyjny kanał i hlebu. Ciapier Ministerstvam pryrodnych resursaŭ i achovy navakolnaha asiarodździa prymajucca ŭsie miery pa niedapuščeńniu zabrudžańnia raki Śviačanka (prytoku raki Uła).
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary