U Miensku prajšli pieramovy Alaksandra Łukašenki i Machmuda Achmadziniežada.
U Minsku prajšli pieramovy biełaruskaj i iranskaj delehacyj u pašyranym składzie z udziełam prezidentaŭ Alaksandra Łukašenki i Machmuda Achmadziniežada.
Adkryvajučy pieramovy, A.Łukašenka vykazaŭ spadziavańnie na toje, što jany buduć plonnymi i "my zmožam značna prasunucca napierad pa šlachu dvuchbakovaha supracoŭnictva". Jon zaznačyŭ, što vizit iranskaha prezidenta źjaŭlajecca śviedčańniem vialikaha značeńnia, što nadajecca ŭ Iranie adnosinam ź Biełaruśsiu. Dziakujučy sumiesnym namahańniam biełaruska-iranskija adnosiny "vyjšli na stratehičnaje supracoŭnictva", kanstatavaŭ A.Łukašenka.
Priezident vykazaŭ padziaku iranskamu boku za "kanstruktyŭny padychod da raźvićcia supracoŭnictva ŭ naftahazavaj śfiery". "Ja asabliva ŭdziačny za padtrymku našaj krainy ŭ takim adčuvalnym pytańni, jak zdabyča vuhlevadarodnaj syraviny, - zaznačyŭ A.Łukašenka. - Vy pajšli nasustrač pažadańniam Biełarusi, vydzielili nam radovišča, na jakoje my raźličvali. Śpiecyjalisty jaho ŭžo daśledavali, i siońnia my hatovy zdabyvać naftu i na iranskaj terytoryi".
Alaksandr Łukašenka taksama padkreśliŭ, što spadziajecca na dalejšy rost iranskich inviestycyj "u stabilnuju biełaruskuju ekanomiku".
U svaju čarhu, prezident Irana Machmud Achmadziniežad zaznačyŭ, što iranskaja delehacyja prybyła ŭ Biełaruś "z pasłańniem miru, družby i zhody". Jon padkreśliŭ, što ŭ Biełarusi i Irana suhučnyja pohlady na mižnarodnuju palityku. "U śviecie nieabchodna stvarać bałans. My suprać adnapalarnaści i cisku na inšyja dziaržavy", - skazaŭ kiraŭnik Irana.
M.Achmadziniežad padkreśliŭ, što ŭ źniešniaj palitycy Irana Biełaruś źjaŭlajecca adnym z pryjarytetaŭ. Jon paviedamiŭ, što 20 maja iranski parłamient ratyfikavaŭ pahadnieńnie ab pryncypach supracoŭnictva ź Biełaruśsiu. "Raźvićcio stratehičnych adnosin ź Biełaruśsiu źjaŭlajecca dla nas nieadjemnym praviłam", - zajaviŭ iranski prezident.
M.Achmadziniežad paviedamiŭ, što na sustrečy ŭ vuzkim kole baki abmierkavali roznyja kirunki biełaruska-iranskaha supracoŭnictva. "Našy pohlady padobnyja i adzinyja pa šyrokim kole pytańniaŭ", - kanstatavaŭ jon.
U vyniku Alaksandr Łukašenka i Machmud Achmadziniežad padpisali Sumiesnaje kamiunikie pa vynikach vizitu ŭ Biełaruś prezidenta Isłamskaj Respubliki Iran.
Padpisany taksama: Pahadnieńnie ab supracoŭnictvie ŭ śfiery adukacyi pamiž ministerstvami adukacyi Biełarusi i Irana, Pahadnieńnie ab supracoŭnictvie pamiž Nacyjanalnym bankam Biełarusi i Centralnym bankam Irana, Pahadnieńnie pamiž Nacbankam Biełarusi i Centralnym bankam Irana ab supracoŭnictvie ŭ śfiery navučańnia bankaŭskaha piersanału.
Fota tut.by
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary