«Budaŭnictva ŭprytyk da muzeju vajny chmaračosu na 34 pavierchi, miakka kažučy, absalutna niedarečnaje. 34 pavierchi pakładuć cień na ŭvieś Vierchni horad. I, uličvajučy specyfiku landšaftu, hety budynak budzie absalutnaj daminantaj usiaho Miensku».
U Miensku, na terytoryi aeraportu «Miensk‑1» i avijaramontnaha zavodu, źbirajucca zbudavać vialiki dziełavy kompleks niebasiahaŭ «Miensk‑Sici». Heta asabistaje daručeńnie Alaksandra Łukašenki. «Miensk‑Sici» pačnuć budavać užo ŭ 2009 hodzie. Taksama nia vyklučana, što ŭ chutkim časie ŭ samym centry Miensku budzie zbudavany novy vyšynny hatel.
Administracyjna‑dziełavy i hramadzki centar «Miensk‑Sici» maje paŭstać na terytoryi 350 hiektaraŭ. Prykładny košt hetaha prajektu — kala 1 miljarda dalaraŭ.
Ź niadzielnych repartažaŭ dziaržaŭnych telekanałaŭ vynikała, što ŭ samym centry Miensku, kala muzeju Vialikaj Ajčynnaj vajny, moža źjavicca bolš čym 30‑paviarchovy hatel, a pad Kastryčnickaj płoščaj — šmatuzroŭnievaja aŭtastajanka.
Jakija nastupstvy dla Miensku moža mieć realizacyja hetych prajektaŭ?
Na dumku mastactvaznaŭcy, historyka architektury Siarhieja Chareŭskaha, Miensku, jak i lubomu mehapolisu, patrebny takija vialikija budynki. Ale jany pavinny budavacca z patreby, a nie na zahad dziaržavy, budavacca, kali jość realny rynak ziamli, jaki prymušaje investaraŭ maksymalna efektyŭna vykarystoŭvać kožny łapik.
A voś što dumaje Siarhiej Chareŭski pra mahčymaje budaŭnictva hatelu:
«Budaŭnictva ŭprytyk da muzeju vajny chmaračosu na 34 pavierchi, miakka kažučy, absalutna niedarečnaje. 34 pavierchi pakładuć cień na ŭvieś Vierchni horad. I, uličvajučy specyfiku landšaftu, hety budynak budzie absalutnaj daminantaj usiaho Miensku».
Archieolah Siarhiej Tarasaŭ taksama sumniajecca ŭ metazhodnaści budavać šmatpaviarchovy hatel u centry horadu.
«Taki chmaračos — jak hvałt nad usioj našaj mienskaj historyjaj, — havoryć Siarhiej Tarasaŭ. — Archiealahičnaj i architekturnaj historyjaj. Bo takija budynki devalvujuć sutnaść, dušu horadu. Jak hety sarkafah — Pałac Respubliki — ciśnie svajoj machinaj na staražytnyja kaścioły i klaštary, tak hety bolš čym 30‑paviarchovy niebasiah ich prosta źniščyć».
Siarhiej Chareŭski zaŭvažaje, što budaŭnictvam šykoŭnych budynkaŭ i pałacaŭ ułady chočuć stvaryć u ludziej iluziju burnaha ekanamičnaha rostu Biełarusi. «Źniščajucca apošnija reštki staraśvieččyny ŭ roznych haradoch, kab ludzi pamiatali tolki pomniki ciapierašniaj epochi», — ličyć mastactvaznaŭca.
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary