Kalektyŭny list u abaronu «NN»
5 lipienia ŭ varšaŭskim centry vyvučeńnia najnoŭšaj historyi «Karta» adbyłasia mižnarodnaja rabočaja sustreča. Sabralisia pradstaŭniki navukova-aśvietnych centraŭ, jakija daśledujuć historyju antykamunistyčnaj apazycyi. Byłyja dysydenty, a siońnia lidery «Karty», maskoŭskaha «Memaryjału» i analahičnych centraŭ u inšych krainach majuć ciapier šmat supolnych prajektaŭ, spamiž jakich — fundamentalny «Słoŭnik dysydentaŭ» byłych kamunistyčnych krainaŭ. Naprykancy sustrečy prysutnyja pryniali adkryty list da Dziaržkamdruku RB u spravie «Našaje Nivy»:
«Ź Biełarusi znoŭ dachodziać drennyja viestki. Isnuje pahroza hvałtoŭnaje likvidacyi hazety «Naša Niva», jakaja praciahvaje tradycyi pieršaj lehalnaj biełaruskaj hazety, stvoranaj u 1906 h. u Vilni.
Ułady ŭ Miensku zakidajuć «Našaj Nivie» vykarystańnie tradycyjnaj biełaruskaj hramatyki. U 30-50 hadach stalinski režym pravioŭ reformu biełaruskaj movy, jakaja mieła na mecie jaje rusifikacyju. Uviedzienyja tady praviły pryznajucca ciapierašnimi ŭładami za aficyjnyja.
Ad pačatku svajho isnavańnia «Naša Niva» pasłuhoŭvałasia tradycyjnaj biełaruskaj hramatykaj. Hetuju hramatyku vykarystoŭvajuć i inšyja biełaruskija vydaviectvy, a taksama ŭsia biełaruskaja emihracyjnaja presa.
Napačatku hetaha hodu ŭ Biełarusi byŭ uviedzieny zakon ab druku, jaki zrabiŭ mahčymym lehalnaje zakryćcio vydańniaŭ na moŭnych padstavach. Redakcyja «Našaj Nivy» ŭžo atrymała ad Dziaržaŭnaha kamitetu druku pieršaje papiaredžańnie ŭ spravie movy. Nastupnaje papiaredžańnie pryviadzie da zakryćcia hazety.
Pahroza «Našaj Nivie» — heta nia tolki pahroza svabodzie słova ŭ Biełarusi, heta taksama pahroza dla niesavieckaj biełaruskaj kulturnaj tradycyi, jakaja jość častkaj kultury eŭrapiejskaj.
My źviartajemsia da ŭsich z zaklikam padtrymać biełaruskija SMI i biełaruskuju kulturu, a asabliva «Našu Nivu», u taki ciažki dla ich čas».
List padpisali viadomyja ŭ śviecie zmahary z tatalitaryzmam z Albanii, Bałharyi, Vuhorščyny, Łatvii, Litvy, Małdovy, Polščy, Słavienii, Ukrainy, Čechii, Juhasłavii.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j13
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary